Google搜尋「WhatsApp Web」頭4個都係假！ 專家教憑1點辨真假：好多人中招
WhatsApp網頁版有大量「假網」 按錯隨時被騙徒盗用帳戶而不自知
WhatsApp騙案近年來數量大增，除了手提電話應用程式會出事外，網頁版的「中伏」機會更大！近日網上不停有帖文指「喺Google Search頭3位WhatsApp網頁全部都係假網，且弄得相當真」，網民指看到簡體字時很容易便分得清「唔係真網」，但現時騙徒已進化到「用英文整WhatsApp假網頁」，按錯隨時被騙徒「mon住你WhatsApp，然後扮你問fd借錢，之後archive對話記錄，當事人就好難知發生咩事」。
用WhatsApp網頁版要認得1大重點
網民指，假網頁可以透過落廣告方式把網頁置頂，令人誤信假網頁然後掃描QR code，騙徒便會取得帳戶資料。而且「掃完假網站，喺你個畫面係唔會登入，但喺騙徒部電腦就登入咗，佢會潛伏，了解你對話嘅習慣，喺你唔為意嘅時候先落手」。網民指其實用WhatsApp網頁版只要認得官方網站的Link，不要按入有奇怪碼的URL，已可避免危機。而資訊科技及數碼媒體專家方保僑亦在Facebook上提醒大家，若要用WhatsApp網頁版，最好直接去網站「web.WhatsApp.com」。
WhatsApp騙徒出新招！ 用家被盗用帳戶毫不知情：佢哋慣常用同一手法
早前有港人於Facebook群組「黃大仙區友（黃大仙，新蒲崗，鑽石山，慈雲山⋯⋯）」中上載的一張照片可見，事主指自己一位朋友在某日下午2時收到朋友的借錢訊息，指自己銀行卡超過了轉帳限額，因此請求對方「手頭上有無$9,800？ 幫我過數先，聽日十點過翻畀你」。而事主朋友當時即回答指「有很多」，對方看到後旋即傳送自己的銀行帳號、持有人名稱及轉數快電話號碼給事主，並指「轉咗發圖同我講」。事主朋友發現2大漏洞，指「佢平時一定唔會無稱呼」、「呢個人有錯字」等細節踢爆對方是騙徒，於是回應「我有冥通銀行咋，你啱唔啱使」，而對方則未有再回應。事主於是在網上警世，指「留意番WhatsApp呃人手法」。
港人揭同樣遭遇：被盗用係連自己都睇唔到Record
另外，亦有讀者向我們表示，指自己近日遇到同類WhatsApp騙案，指「有日突然收到呀妹嘅訊息，一嚟就叫我『家姐』，問我有無兩萬蚊，幫佢過筆數，我話無，佢就問有無一萬，我知道佢要咁多錢緊係要問清楚，點知佢話係借畀朋友找卡數，仲叫我唔好問甘多（咁多），肯唔肯就得了」，之後再補一句「放心啦，我邊次問你借錢唔還比你啊」。說到此，她已感到奇怪，追問下去，妹妹再稱：「有D嘢係好敏感嘅嘛，我係中意佢，你可唔可以幫我，聽日絕對轉番俾你（畀你）」。而她最後決定用一句「打電話傾好啲」來秒殺對方。
而最離奇的是，她最後直表打給妹妹，妹妹即時截圖給她並指自己手機沒有任何訊息Record，驚覺自己被盗用帳戶都不自知。與身邊朋友分享後，方知最近原來很多人遇到相同情況，險中招，提醒一定要提醒身邊家人，以免被騙！
