東張西望｜中學女生被男同學恰足4年　向學校投訴反被刁難　男惡霸下場抵死

網流傳馬鞍山崇真中學家長信：深表遺憾

信內提及「本校一直認真嚴肅處理 ，堅守對欺凌零容忍原則，並一直與教育局和家長保持溝通，冀以和平和理性方式解決事件，並合力阻止欺凌情況出現。學校透過多次見家長，按「違規處分指引」嚴厲懲處，安排男學生道歉等途徑處理事件，同時由班主任・社工和輔導老師持續對事主作出輔導支援，最終於2020年間遏止了相關事情，涉事四位男學生均全部已在2022年6月畢業離校，而涉案女學生亦在2023年6月畢業離校，但由於事件涉及個人私隱，學校不便透露詳情。投訴者除了針對學校作出投訴外，過往曾多次在報章上就此事批評學校，2022年初亦於社交媒體抨擊學校對事件的處理方式。現時再透道電視媒體作出相關的報導，本校深表遺憾。」

其中一名姓劉男同學現身　Instagram與網民互罵

而事件中除了蘇姓同學「出晒名」外，另外亦有位劉同學被公開身分，有網民指其現時於理工大學讀書，更得知其Instagram帳號。而當事人被公開身分後，亦理直氣壯地在網上回應網民，指「交道歉信畀學校係學校同我講嘅做法，我只係跟從學校畀我嘅指示，道歉信就係代表我嘅道歉⋯⋯據我了解，我交完道歉信之後，喺呢件事入面我嘅參與已經告一段落」，更指網民對他的人身攻擊，他表示「至於我生咩深穿咩衫，關你咩事？」等。而網民看到當事人親回應後隨即回應，指「仲咁理直氣壯話自己參與告一段落？你對人嘅傷害唔係一句Sorry就完」、「睇你D口吻就真係一D悔意都無啦，咩人就同咩人玩嘅，讀咩大學呀，去同蘇Sir一齊算啦」、「而家仲講嘢挑機，呢個人簡直係社會敗類，睇見都嬲」。

東張西望｜9月4日為正式開學日，不少家長都滿心歡愉地送小朋友上學，但同時又要擔心子女與同學的相處問題。近日《東張西望》報道一宗中三女學生被4名男同學欺負事件，引來極大迴響，而節目中昨（9月3日）再播出訪問下半集，家長張女士揭發校方力保「最大惡霸」蘇同學的過程，同時指「我覺得學校係想處理我，而唔係處理件事」，加上教育局的處理手法，令張女士和囡囡感到心寒。而張女士最後更單憑一己之力，令蘇同學獲得應有下場。一眾網民看到後均怒火衝天，更指「蘇同學之前話畢業就考警察可以凌駕法律咩都唔驚，而家係咪做咗蘇Sir？出嚟回應吓」。

中三女學生被男同學欺負致休學　港媽奮力追究反被學校百般阻撓

張女士囡囡在沙田一間中學就讀，2019年中三下學期開始被4位男同學欺凌，事件至今持續四年多，家長曾向學校求助，其中兩位同學卻繼續再犯。 後來家長再投訴後，校方選擇冷處理，港媽即出律師信要求兩名同學道歉以及賠償心理輔導費用。張女士指「我出律師信要求對方道歉，支付我囡囡心理輔導作用，我唔係真係要佢地畀錢，只係想畀佢哋知呢件事上係要負責任」。校方安排之下，兩位同學終於道歉， 囡囡亦在2020年9月繼續原校升學。「我諗住返學之後大家會因為唔同班級，班房喺唔同樓層，再撞返班男仔機會細咗，同埋都唔想咁煩，想喺度讀埋DSE，所以就返學」。

「講明要考警察」的蘇同學死不悔改　家長發出律師信被學校阻撓

不過一開學，人身攻擊、言語欺凌行為再出現，蘇同學更加於網上開Post嗌冤枉，並找同學做打手留言，於是張女士再聯絡校方。豈料她得到校方的回應指學校已經處理事件，「但詳情唔需要向家長交代」，張女士聽到後大感愕然，指「真係晴天霹靂，好過份，我係當事人點解校方唔使同我交代點處理，件事過咗年幾仲係咁，即係代表你處理方法係咪好有問題，我個囡仲要喺度讀多3年」。後來其中一位男同學及其家長向張女士道歉，唯獨「講明要考警察」的蘇同學死不悔改，於是張女士只向他一人發出律師信，要求對方在校長面前向囡囡道歉。

校方：學校不得要求學生向受害人道歉

但校方竟回覆指「將律師信交到該同學手上並非學校責任」，並指因停課關係無法將律師信交予蘇同學，學校不得要求學生向受害人道歉。當時張女士和囡囡聽到後再次感到震驚，指「原來呢間學校連基本價值觀同做人道理都被否定，原來真係有老師真係會有呢個價值觀，好失望」。張女士將事件投訴到教育局，雖然校方成立調查委員會，但校方多方刁難！「佢哋喺疫情最嚴重時話要夜晚8點先可以同校監開會，我問可唔可以提早6點，學校即時話唔得，8點前校監有私人事務。到我話帶一位親友陪同，學校即刻話除律師外唔可以帶其他人嚟，你律師唔識廣東話就要自己帶翻譯」。整個過程，校方都擺出一副高高在上的姿態，令張女士認為「我覺得佢哋係想處理我，唔係處理件事」。

調查報告出爐　校方推翻所有投訴

後來調查報告出爐，張女士所有投訴被推翻，校方認為懲罰恰當，學校完全沒有錯。但張女士指根本所有是非黑白都顛倒，「佢話我唔接受道歉，校監屈我話屈佢哋要金錢賠償，D信有晒日子同證據，變到好似我係犯人咁盤問。張女士再上訴，教育局指學校維持原判，只是大家在形容上「有D差別」，事實無分別。張女士即時質問教育局職員「唔係基於事實嘅報告你哋都會接受？」，結果對方沉默不作回應。

蘇同學家長稱代兒子道歉　但要求不可讓兒子知道

蘇同學多次被屢勸無效，他的家長突稱可代兒子向囡囡道歉，但條件是不要讓蘇同學知道，張女士不接受。 張女士為了保護囡囡於是到高等法院控告蘇同學誹謗。同時，有退休老師私訊張女士稱學校唔重視欺凌個案，涉事者在同事眼中是「好幫手」，有你這位家長為囡囡出頭，實屬難得！意指欺負同學的事件，在這間學校非首次發生。

港媽終成功告上高等法院　蘇同學下場曝光

今年1月高等法院判決出爐，港媽終於為囡囡成功控告蘇同學誹謗，張女士及囡囡都鬆一口氣，囡囡更考完DSE後已到外地升學。囡囡亦在節目中親身剖白，指當時好痛苦，好驚訝，對老師這個職業改觀。「當時好驚同學戴有色眼鏡睇我，又驚冷嘲熱諷，最輕鬆係畢業個吓，我終於唔使見到佢哋，終於唔使返呢間學校，我知屋企人都好擔心我，我中學缺席60日，DSE成績慶幸可以應付到海外升學」。

網民嬲爆：乜嘢垃圾學校？

事主鬆一口氣，但一眾網民不齒校方包庇蘇同學，更指「係咪做咗警察啦，出嚟交代吓」，亦表示「呢間學校真的非常卑劣，男學生欺負女事主，校方則欺負事主媽咪，實在係臭罌出臭草」、「間學校不知所謂，誤人子弟」、「教育局同學校真係腐敗的極致， 難怪個個搶住移民走人」、「教育局都係有心包庇呢啲學校，都係賤格，呢個媽媽好嘢」、「呢位媽媽做得好好，好多小朋友俾人欺凌冇人幫之下走咗去了結自己。你肯為自己個女出聲到底真係造福其他同學」。