港男稱「拖鞋襯長襪」真心難接受 3大牌子著到好肉酸網民：關你L事

Aug 29 2023

港人的衣著打扮常被指「跟風」，韓風、日系、Y2K等等風格都被人指缺少了本土特色，而最近有港人發現街頭上有不少人愛上一種令人摸不頭腦的穿搭，就是「拖鞋＋長襪」。這個配搭不論男男女女，一天總遇到不下10個人穿搭出街，當中有3大牌子最常見。但有網民表示「呢個係咩玩法，覺得好靚？點解著拖鞋都要加對襪」。帖文一出，即惹來不少討論聲音，更有人指出這個穿搭的背後原因實為「逼不得已」。

拖鞋配長襪成大熱潮流　港人：真係諗唔明點解要咁著

早前有港人於討論區指不明白內地女生來港為何要整天穿著毛毛拖鞋出街，而有網民亦觀察到不少港人喜歡一種另類穿搭，指「好好哋著對拖鞋唔得，係要加對襪」，認為現時很多男女都愛穿Crocs膠鞋配長襪，對此非常不解，指「著得拖鞋就係唔想著襪，但而家又加對長襪即係點」，亦有網民留言指「白襪涼鞋再加短褲真係接受唔到，特別係男人」、「Crocs鞋著到變公廁」。

3大牌子被指好肉酸：見多人著就個個都出洞洞鞋

網民更在討論區大數3個牌子的洞洞鞋「見親都著得好肉酸」，當中包括Merrell、Crocs、Adidas，當中Corcs的花款較多，用家可自己配搭扣在鞋頭上的配飾。有網民指「真係周街都係呢3對，行去旺角10個帶8個都著緊，仲要係一定要有長襪」。

用家解答穿襪原因：唔著行唔到

有不少會這樣打扮的人紛紛留言，指穿Crocs鞋一定要穿襪，「以前試過唔著襪，耐咗之後對鞋真係好臭，而家嗰啲唔知會唔會」、「呢對牌子的鞋唔著襪『啜』到隻腳生水泡，皮都甩，加返對襪先解決到呢個問題！我係用家之一」、「人哋可能有腳汗呀！唔着襪會跣腳」、「其實會咁著係因為好L方便」、「夏天著夠方便，去太曬地方試過唔著曬到個腳背一個個洞」。

網民：其實又關你咩事？

不過除了解答外，更多的是一面倒鬧發文者的人，指「著咩又關你咩事」、「咁都要比你批判，一定要笑人先顯得自己優秀？、「其實都最少流行咗十年，好多醫生護士都咁著，唔識唔好喺度嘈」、「外國人著拖鞋白襪都好多年啦，韓國2018年開始都著緊，有咩問題」、「你而家就好似問人『好地地著條長褲/短褲唔得嘅，係要裡面加條底褲，咁點解你又著底褲？」、「著咩都要畀你放上網，你唔著就代表人奇怪？你係指標啊？」、「人哋著乜都有自由，你去評倫做乜野啊，你又唔係形象指導！」、「潮流你識條X咩」。