警方捉亂過馬路派便衣出動　打斜過十字路口都瀨嘢　港人：罰長者就啱！

警方派便衣高調捉亂過馬路　打斜過十字路口都中招

早前警方指會打擊亂過馬路的情況，有港人為追小巴而「偷雞」不用斑緊線橫過馬路，旋即被打扮成便衣的一對男女當場斷正。另外亦有影片拍到有老人家於十字路口打斜過馬路，因而警方在網上「溫馨提示大家」請勿做出同樣行為，指「幾趕時間都好，都千祈唔好打斜橫過十字路口呀。就算十字路口嘅行人過路燈全部轉晒綠公仔，都應該喺過路處嘅範圍內逐段咁橫過馬路。如橫過馬路嘅位置附近(十五米範圍內)有行人過路設施而沒有使用，可被罰款2,000元」、「一定要用行人四寶，即係行人天橋、行人隧道、斑馬線同交通燈控制過路處過馬路呀」。

港人：好多時我哋都係被逼行

有港人看到這個情況後，紛紛表示「好多時都係被逼咁行」，不解「為何不能與時並進，學習日本在四個路口都綠燈的時候開放對角線過馬路？大家都有成本效益」、「部分過路處設計有問題。綠燈時間太短、橫直兩段路的綠燈是同時亮、等候時間長」、「唔講真係唔知，我真係以為全部都係綠燈就可以打斜過」、「咁點解唔畫埋斑馬線畀人可以過？反正四邊都停晒車！」、「老人家根本唔夠時間過晒兩條馬路」、「綠燈時間過短，行天橋又兜一截路」。

不過亦有網民指平日不少老人家都會恃老賣老，「明明紅燈都照過，大條道理要揸車嘅人讓佢行，真係好激氣，捉多D老人家就啱，罰錢先識驚！」、「全部長者都係咁過馬路。唔想活多幾年命」、「加強執法啦! 大搖大擺紅燈過馬路 !」、「我呢區大部長者都係亂過馬路，仲要揸拐杖」。