網民票選「香港最難食連鎖餐廳」KFC、吉野家上榜而第1名的竟然係XX！

網民票選「香港最難食連鎖餐廳」

連鎖快餐愈來愈多，傳統街坊茶記真係買少見少，當餐廳類別縮少，市場上的選擇就變得較單一。在連鎖餐廳林立的大都市，對於食物品質或味道的追求往往都有不同聲音。日前，在本地熱門的討論區有人以「嚴選香港最難食連鎖餐廳」為題發起了票選活動，帖文引起眾網友的關注，並就連鎖餐廳的「難食」情況進行選舉，大家紛紛留言表達己見，一訴不滿之情。

發帖樓主首先發表，他認為銀龍粉麵茶餐廳必定可以被選為最難食之一，「Top 3我一定會揀銀龍入圍，屋企樓下有一間，試過幾次，不同嘅食物都係難食」。綜合帖文討論，銀龍被大家票選為最難食的三甲，網民指「銀龍真係無一樣嘢係好食，早餐午餐晚餐都難食，其他連鎖邊有佢咁誇張」、「不嬲銀龍嘢食麻麻地，銅鑼灣嗰間啲職員仲要好串，去食宵夜仲要受佢地氣」、「銀龍真係垃圾之首，更大問題係點解仲有咁多間」。

「香港最難食連鎖餐廳」之首是翠河 其次是銀龍、百分百

最高討論度而被眾網民認同的No.1難食之最是翠河餐廳，「翠河真係好嘢，間間分店都一樣難食，無樣正常」、「翠河一定香港冠軍，冇得輸」、「翠河唔知點解仲生存到」、「翠河真係有今生冇來世咁難食」、「就算佢餐牌半價我都唔會入去食，劣食到咁都仲可以唔執真係第9大奇蹟」。網民認為翠河基本上在「香港最難食連鎖餐廳」中居位第一。

第二被多次點名的餐廳是百分百餐廳，有人認為百分百「好普通既早餐份多士都可以有好重油臭味」、「去叫個炒飯，啲飯痴撚到一舊舊好似飯糰咁，又咸又濕」、「百分百真係難食過屎，食咗幾啖頂唔順」、「污糟到啲嘢好似未洗過咁，又貴又難食」、「嘢食嘅性價比低，永遠都唔會再食」。

網民大數另外5間「香港最難食連鎖餐廳」

不少網民認為所有連鎖餐廳標準化，食物以快和成本低為重點，普遍食物質素偏低，「不如話有邊間連鎖好食」、「好多間連鎖都轉哂係工場做好哂啲野食，落到鋪加熱就算」。以下為另外5間被多次提到的餐廳，排名不分先後：

「香港最難食連鎖餐廳」1. KFC

KFC憑著炸雞及葡撻兩大招牌而成功俘虜了港人胃口，但網友真實評價卻認為KFC是「最難食的炸雞店，炸雞細過包紙巾，蘑菇飯得幾粒蘑菇慘過饑荒」、「KFC以前啲雞滑嫩，依家又乾又嚡」。

「香港最難食連鎖餐廳」2. 吉野家

網民認為吉野家現時「啲嘢食越做越差，已經唔掂」、「難食咗好多，份量又少，大盛都食唔飽」、「有段時間返工關係成日食雞烏冬，睇住佢烏冬由有彈性變到好似壽桃啲垃圾級烏冬，湯由濃變淡，雞直頭好似你講咁迷你雞粒」、「每次食都會肚痛」。

「香港最難食連鎖餐廳」3. 大家樂

大家樂快餐以獨特的香港風格快餐概念為特色，融合中西文化，為忙碌的香港人提供創新的用餐體驗。不過大家卻認為「大家樂都夠劣，早餐相對唔差，其他不了」、「燒味飯我以為拜完神賣番比我咁，啲肉切唔開」、「凍飲又淡又無冰」、「完全係狗飯」。

「香港最難食連鎖餐廳」4. 美心MX

大家認為美心MX是「劣中之霸」、「早餐通粉痴埋一嚿，食食吓唔想食」、「叉燒又柴隻味又調得怪完全唔會再食」、「美心快餐，枱係爛，座位係裂，意粉識自己出水既」。

「香港最難食連鎖餐廳」5. 金記

亦有人認為近來擴張速度驚人的金記是「連鎖入面最難食」、「金記講第二，都無人夠膽講第一」，而且「食親都肚痛」。

另外曾被網民提到的連鎖餐廳有大快活、光榮冰室、紅茶冰室、霸嗎拉麵、沙嗲王、敏華冰室等等。

資料來源：討論區原文