港男歌頌深圳超市物價可樂賣$3樽「平到發夢都識笑」網民：香港超市貴在XX

Q: 網民反應如何？

大多網友反對樓主，認為大陸與香港的物價和生活水平不同， 難以進行比較。

Jun 13 2023

大陸近年有不少特色店舖及娛樂設施，而且物價比較平，香港深圳兩地全面開關後，愈來愈多人北上覓食、購物，趁假日北上度假。日前，有男網民於討論區發帖表示自己要抵制香港超市，今後「唔會幫襯香港超市交智商稅」。帖文一日內衝上熱門並引起大眾討論，大多網友反對樓主，認為大陸與香港的物價和生活水平不同，難以進行比較。

港男歌頌深圳超市物價稱以後唔會幫襯香港超市

香港物價每年持續上升，趁著中港兩地通關，港人轉移北上深圳買餸，甚至外賣。不少港人在社交平台上大讚大陸消費「平過香港」，甚至指出其性價比高過香港一大截。北上消費成一股熱潮，繼深圳買餸後，再次引起關注的是「深圳超市購物」。

深圳超市深圳內地近年有不少特色店舖及娛樂設施，而且物價比較平，香港深圳兩地全面開關後，愈來愈多人北上覓食、購物 — 大陸近年有不少特色店舖及娛樂設施，而且物價比較平，香港深圳兩地全面開關後，愈來愈多人北上覓食、購物（圖片來源：深圳地鐵圖片）

日前，有男網民於討論區上以標題「深圳超市物價。我以後唔會幫趁香港超市交智商稅」發帖，表明以後「除新鮮食物外，一律返大陸買」，更上載了多張大陸超市照片供大家參考，自稱寧願由深圳手拎「超市戰利品」回港，「你地可以睇下個價錢差距，其實玩得過，最多辛苦少少抽番香港」。

深圳超市深圳樓主分享「珠江橋牌豆豉鯪魚10蚊人仔一罐，百記賣緊20蚊港紙一罐」 — 樓主分享「珠江橋牌豆豉鯪魚10蚊人仔一罐，百記賣緊20蚊港紙一罐」（圖片來源：討論區原文）

深圳超市深圳「可口可樂500ml，3.2人仔，香港差不多十蚊一支啦」 — 「可口可樂500ml，3.2人仔，香港差不多十蚊一支啦」（圖片來源：討論區原文）

深圳超市深圳樓主指香港的可口可樂更貴 — 樓主指香港的可口可樂更貴（圖片來源：討論區原文）

因為消費劵抵制香港超市

樓主於帖文中提到他抵制香港超市的主要原因，他指「有樣嘢我好反感，就係政府派消費劵。（消費劵）都未到市民手，各大超市已經瘋狂加價吸市民血，所以我抵制香港超市」。同時，他亦表示大陸與香港所生產的食品其實相似，食物標籤同樣標示了一堆化學名詞，所以沒有食物安全的隱憂，再列舉了數項食物的價格，「你無睇錯，珠江橋牌豆豉鯪魚10蚊人仔一罐，百記賣緊20蚊港紙一罐」、「可口可樂500ml，3.2人仔，香港差不多十蚊一支啦」、「蠔油抵買，海天係國內大牌子」、「泰國米平到發夢都識笑（49.9人民幣），注意：是10KG裝，不是香港的8KG」、「即食麵我全家轉咗食康師傅」等等。

深圳超市深圳「中國米更平，同為10KG裝，下次我會試呢款」 — 「中國米更平，同為10KG裝，下次我會試呢款」（圖片來源：討論區原文）

深圳超市深圳「花生油我屋企用緊呢隻，非常唔錯，注意香港賣的花生油好多是調味花生油，不是真的花生油」 — 「花生油我屋企用緊呢隻，非常唔錯，注意香港賣的花生油好多是調味花生油，不是真的花生油」（圖片來源：討論區原文）

網民反對：香港貴嘅係品質

帖文引來一眾網友熱議，不少人擔心大陸食品安全的問題，指「香港貴嘅係品質」、「兩地食安標準同致癌物質上限唔同」、「價錢反映質素，食物監管請人qa都要錢，我想要健康同優質」，亦有人認為兩地的生活物價不同，難以比較，而不少大陸人都傾向購買外來商品，「有錢嘅盡量買歐洲嘢」、「大陸只買國內生產野平，國外入口全部貴過香港成倍」。有網友不解樓主的北上消費行為，「你話有車就話啫，大熱天時去深圳食下飯就算啦，連日用品呢啲都要托返來辛苦自己為咩呢」、「大陸後生仔都上網買懶得拎，樓主竟然托返香港」。