港女怒轟麥當勞熱香餅轉咗新配方超難食 網民測因為呢2樣嘢搞成咁！

港女斥麥當勞熱香餅新配方：香精甜+硬又實

麥當勞早餐的熱香餅主打鬆軟、香甜，吃落無負擔又飽肚，配以糖漿牛油，相信都已經是大部分港人習以為常的味道。數日前，有港女便於「麥當勞關注組（香港）」群組內發文大言「新配方嘅熱香餅….難食…好難食….超級難食」，她認為採用了新配方的熱香餅有種香精的甜味而且不再軟熟，質地又硬又實，「死甜，食完個口仲有一陣好似香精嘅甜味揮之不去」、「完全無咗以前嗰種蛋香麵粉味，軟熟度都唔同咗，而家塊塊都又硬又實」，非常難吃。

港女更想藉此帖文向麥當勞官方想明心意，要求官方改回舊配方，她呼籲網民一同表達不滿，指「請各位在此post 強烈表示不滿，要求官方改回舊時的熱香餅」。

麥當勞「細細隻字宣傳會改配方」？

從網民在留言區的回應可見，大多數人都不知道熱香餅有新配方一事。港女表示麥當勞「 官方1月嗰陣原來已經細細隻字宣傳會改配方」，根據所上傳的圖片所示，麥當勞在其官方Facebook專頁在本年1月4日上載了一條15秒的宣傳影片，標題為「麥當勞熱香餅點解咁Sweet？」，內容表示熱香餅是每朝熱辣辣炮製，配料「除咗有熱香餅糖漿配牛油同奶醬口味外，仲有期間限定阿華田脆脆」，最神秘的則是用一行細字在影片底下表示「此為來自澳洲和美國等地之新配方熱香餅，全港餐廳正陸續轉用」。

網民測因為轉咗賣現成貨＋被收購搞成咁

「唔該轉返舊配方，人手開粉，人手煎餅嘅做法！拒絕急凍現成貨翻熱的新熱香餅！」網民就熱香餅新配方進行討論，大家認為「現熱香餅唔係開粉制造，來貨係現成，但會放入大焗爐高温焗！所以冇以前咁軟熟」、「轉左啦！現成貨！焗番熱即食」，笑言「你看到廚房有人煎餅嗎」、「煎爐都扔掉了」。亦有人慨嘆麥當勞「同許留山一樣，被中資買左，最後管理不善沒落」、「麥記自從轉左中資，嘢食只會越嚟越低成本，越嚟越難食，冇可能返到轉頭」。

另外也有很多網友留言認同樓主，表示不能接受新配方的熱香餅，「真。啲味唔同左！冇以前既個種味」、「唔怪得啦，食左幾次覺得有陣膠味咁」、「終於有人發現佢難食咗好多」、「2023年頭已經發現味道變咗，變得好難食，一陣添加香精味，口感硬又死實實。除非佢轉返之前咁，否則我唔會再食M記熱香餅」、「年頭已經發現，此後冇再食過，硬過我條命」。亦有人擔心香精會危害身體，稱「本身都繼續支持，因為體諒人手不足，用機器都冇辦法，但香精食太多唔好，即係比以前嘅熱香餅唔健康，咁唯有食少啲」。

原文：FB@麥當勞關注組（香港）