港人怒斥翠苑餐廳出錯餐後竟要收錢換 直指職員偷偷咁做超「無恥」

港人怒斥翠苑出錯餐仲要收錢換！

翠苑餐廳為一間被網民認為無論價錢、格局、餐牌都與茶餐廳龍頭翠華集團有不少相同之處的茶餐廳，有數間分店遍佈港九新界，以港式茶餐廳食品、晚市小菜為主。近日有港人於Facebook群組「香港茶餐廳及美食關注組」發帖分享一次到餐廳的不愉快經歷，引起市民因關注現時餐飲服務態度等問題。

當日事主叫了一杯「齋啡走甜」，結果來到的卻是一杯「有糖咖啡」，他向職員反映餐廳出錯餐，卻被黑面。侍應隨即收走「有糖咖啡」並換來一杯新的無糖咖啡。

投訴後職員竟然偷偷咁做！

直到結帳離開時，事主才發現帳單內有「三個餐但四杯飲品」，根據圖片所示，其中一杯飲品是後加的「冬克啡（走甜）」，另外盛惠$9。食客表示「（餐廳）完全無通知我要收正價，而且如果係後加一杯啡，咁你做乜收走我杯有糖咖啡」，他認為自己無要求侍應收走「有糖咖啡」，侍應可以拒絕更換咖啡的要求，但不應「偷偷加單」。

另外，事主亦指餐廳的一罐可樂要$23，「食水深」又難食，是劏客呃錢的無恥餐廳，在社交媒體上呼籲大家不要光顧這間餐廳。

h2″網民：齋啡走甜不嬲有糖 今次我撐餐廳

其實茶餐廳的齋啡並非只有咖啡溝水，一般凍齋啡茶記師傅會額外加糖水，所以凍齋啡事實上是咖啡加水加糖水，反而熱齋啡先會讓客人自己加糖！有網民指出此不明文規定，表示事主亦要留意。

網民反應兩極 直斥：翠苑離曬譜！

帖文一出，引起市民關注及討論。網民對此事反應兩極，支持事主派認為餐廳做法完全唔合理，批評餐廳「落錯單有咩理由換過杯都要要收錢？你應該事後返去或打電話鬧佢」、「樓面應該係玩嘢！呢間嘢似黑店喎！」、「比我一定唔比錢，根本唔合理」、「呢啲（餐廳）好快執笠」、「食野最怕食到一肚氣」。更有網民留言同意事主的$23一罐可樂太貴，「23蚊可樂第一次見，平時都係6-15蚊」、「$23可以買到4罐可樂，真係食水太深」、「可樂好大機會係唔跟餐或者要加錢，但係$23就太黑店囉」！

反對事主派則指客人亦有責任檢查帳單，如果是自己「之前冇注意，就唯有當交學費」。網民教醒事主「其實食嘢幾時都要睇咗單先，保障自己」、「你叫咩會收幾多錢，應該要心𥚃有數，同心中個數有出入就應該即時問，事後一定冇得追」。指出最主要的問題是侍應加單無同客人講，亦有人意為可能是侍應「忘記了取消正常個杯」，所以才多收了一杯飲品的費用。
原文：FB@香港茶餐廳及美食關注組