Woodland活蘭印度素食！42年老字號：超巨型脆皮煎餅＋炸咖喱薯仔包
Woodland活蘭42年印度素食老字號！
尖沙咀有一間稱得上為香港素食餐廳的老字號，店子由1981年營運至今，已經有42年歷史，可以說是香港印度素食餐廳的先峰！Alex是餐廳第二代老闆，本是Woodland餐廳的常客，當初經常於工作的放飯時段幫襯店子，因此餐廳對於Alex而言可以算得上為飯堂，而2018年因為一次機緣巧合之下接手了餐廳。接手後保留了店家一貫風格，主打南印度素食菜式。
必食招牌名物：30cm超巨型煎餅Dosa
餐廳有一款招牌名物是幾乎每枱必點——「Paper Masala Dosa」，一份煎餅大約長30cm，比記者的手臂更多長，份量認真誇張！Dosa主要由選用3款天然食材製成：印度大米、黃豆和香料葫蘆巴籽。Alex表示Dosa最重要是要脆而且薄，故每個步驟都是做出好食Dosa的要訣。首先印度大米需要預先浸上數小時，再使用專程由印度進口的磨米機將大米磨至順滑米漿。然後經過一個晚上的發酵便可以倒上熱鍋上香煎1-2分鐘。金黃香脆外皮食起來跟薯片有幾分相似，內裡更藏有薯蓉可以配煎餅食，同時還可以分別沾上3款醬汁：Sambar黃豆醬、Masala瑪沙拉、Chutney印度酸辣醬，更加惹味！
超過100款素食選擇：南印度套餐／炸米餅配薄荷汁／蒸米糕
除了巨型煎餅外，Woodland的南印度套餐亦是店主Alex私心推介的素食飽肚之選。一份南印度套餐以圓形鐵盤裝有9款食材，分別包括白飯、薯仔椰菜、薯仔薑黃、山藥、Samabar黃豆醬、黃豆泥、香料蔬菜湯、鷹咀豆泥、印度烙餅，十分豐富。咖喱口味會視乎當日餐廳的是日款式而隨機變更，而提到南印度和北印度菜式的最大分別，Alex表示：「南印度的所有咖喱都會偏稀，而我們大多都是配白飯食的，北印度咖喱則會偏濃杰點。」
Pani Puri炸米餅配薄荷水汁憑藉其圓形半空心的外表成功受不少港人歡迎，Alex說原本這款是印度街頭著名的小食，幾乎去過印度都必定會食過。「Pari」即是炸米卷的意思，內裡會加入咖喱薯仔、綠豆、蒜、甜洋葱等，最後淋上清新的薄荷汁令味道更為完整。
- 餐廳：活蘭印度素食
- 地址：尖沙咀麼地道62號永安廣場UG 16-17號舖（另有灣仔和中文大學分店）
- 電話：2369 3718
- 營業時間：星期一至日11:30am-3:30pm
- Facebook：woodlandshk
Woodland有什麼必食推介？
Woodland主打印度素食，其中以其招牌巨型薄餅吸引不少人，…….詳情按此。
尖沙咀有什麼素食餐廳推介？
尖沙咀有間超過40年的印度素食餐廳Woodland，…….詳情按此。
