人氣梳乎厘班戟店又失手？網民狂轟食物似嘔吐物 職員解釋自拆招牌！

大熱人氣梳乎厘店出品 港女大呻：劣食！

被譽為「蒸水蛋般滑溜」的PAN de PAIN梳乎厘班戟標榜即叫即整，厚身又富空氣感，受港人喜愛，店舖經常大排長龍，是港人茶餘飯後的好去處。日前就有女網民在其觀塘分店進食，她表示「班戟上枱時是扁的，切開入面更極度濕透、出水，顯然完全未熟」。

女事主見狀便即時詢問店員並反映情況，店員的回覆是「梳乎厘班戟不嬲都係咁樣」。此解釋直接自拆招牌，亦令事主大惑不解，便到Facebook群姐「中伏飲食報料區」及PAN de PAIN官方專頁分享圖片及查問「是否真的不嬲是這樣」？

網民回應火熱 狂插似嘔吐物

貼文於群組一出便引起熱討，2小時內已獲數百讚好及留言。網民見圖即起底，更直斥「呢間嘢一向貴又伏」、「成碟嘢好核突，仲要畀錢食」。有網民更誤以為圖中所示的是嘔吐物和其他物體，「我以為係嘔吐物」、「冇睇內文以為係炒蛋…」、「嘩，炒滑蛋就聽過姐，但炒滑pancake都係第一次見」。

打卡名物梳乎厘班戟—考廚師手功

不少民間高手在貼文發表意見，指事主的梳乎厘班戟「蛋白打唔起就焗兼焗唔透」、「蛋白出咗事，一係打過龍，一係就未打夠」、「入面未熟流心喔」。

梳乎厘班戟（Soufflé Pancake）是一種近年來在亞洲非常受歡迎的食品。相比傳統的班戟，梳乎厘班戟的特點在於鬆軟、蓬鬆的口感，在烤製的過程中膨脹，形成氣孔。據悉製作梳乎厘班戟過程較為講究，廚師需要將蛋黃、麵粉、牛奶等材料分開攪拌，再將打發的蛋白混合入麵糊中，輕輕攪拌均勻後，倒入烤盤中烤製。