網民列香港5大最唔好住地區 深水埗品流複雜只排第2 呢區反而最差
網民嚴選香港5大最唔好住地區！深水埗只屈居第2
最近網民熱議香港最好不好住的地區，當中有不少地區都上榜，以下為大家整理出Top 5排名，其中港島半山區居然都有份，相當令人意外！
Top 5.港島中半山區 – 塞車加無嘢食
港島中半山是香港的傳統富人區，居住在中半山也是身份的象徵，然而卻有網民提出中半山其實沒有想像中的好住，直言「完全唔明點解d人咁迷戀中半山，日日塞車，半夜返屋企試過見到野豬」。再者大彈該區在夜晚想食宵夜「完全無選擇」，交通方面「星期六/日call車都有排等，一係同人鬥加錢(雖然我知有錢人唔care，但去銅鑼灣都要加$50」。
Top 4.上水/粉嶺 – 新界北衰在偏遠
說到不方便，每次都有熟悉的面孔上榜，那就是新界北區上水和粉嶺區，網民直指該區太偏遠，「出九龍又遠，揸車又易塞死曬，無乜商場」，再者因為地理位置靠近大陸，以致日常生活中都有大量內地人，感覺是「脫離了」的香港生活。
Top 3.觀塘區安達臣山 – 交通配套出事
不知道大家有沒有聽過安達臣道呢？沒有的話又有沒有聽過秀茂坪？還是不知道在哪裡嗎？觀塘總聽過了吧！安達臣道就是觀塘區與西貢區的分界線，位置在山腰之上，可想而知地理位置十分不方便。網民稱交通極為不便「落一落官塘都塞半個鐘，多新香港人，地獄20層𨋢」、「成街地盤」，根據以上種種原因，於是被網民評選為「最不好住Top 3」！
Top 2.深水埗區 – 品流複雜
大多港人對深水埗區的印象都是「低下階層區」，網民表示深水埗「樓太舊，周圍超多公屋，太多南亞同睇落似道友嘅廢老，內街夜晚9點後應該係人間禁地」、「之前我個frd住個頭，過十點後都唔敢出街」、「ssp真係狗也不X」，大嘆該區即使交通再方便也掩蓋不住品流複雜的安全問題。
Top 1.將軍澳/康城 – 似大型監獄
綜合網民的留言，第一名最不好住地區是將軍澳與康城，網民笑指「將軍澳，人太多，好似大型監獄咁，返工已經好攰，返到屋企附近周圍都係人」、「我住緊，由返工出門口嗰一刻，到返到屋企嗰一刻，都完全感覺係粒社會齒輪，港鐵同巴士就係條輸送帶」、「一式一嘅既商場，唔搭多幾個站出去都搵唔到其他嘢」、「仲有堆填區啲臭味」、「仲要好濕，死症嚟，周圍發霉，濕熱起上嚟體感好辛苦」。
網民嚴選香港5大最唔好住地區？
置業買樓是不少港人的畢生夢想，最近有網民在討論區上發帖，討論全港哪些地區最不好住，編輯就整合了網民的留言，嚴選出5大…詳情
有哪5大「最唔好住」地區？
第5位.港島中半山是香港的傳統富人區，居住在中半山也是身份的象徵，然而卻有網民提出…詳情
