盈翠半島業主懷疑拆錯主力牆　網上求救慘變危樓裝修　網民：無腦唔好買樓

青衣盈翠半島業主裝修突求救：係咪拆咗主力牆？

單位拆牆是常見裝修工序之一，拆牆改動間隔可以擴大單位空間，不單止享有更佳視覺，空間感亦令住客感到舒適，亦方便佈置收納。 不過，並非每個單位都能夠隨便拆牆改裝。近日，有網民於Facebook「家居裝修分享谷」上載相片，單位疑似來自青衣盈翠半島某室。

從相片所見，該單位正處於裝修狀態，地上鋪上防刮膠板，同時佈滿裝修物料，牆角亦放置裝修用具。樓主提出一個問題：「盈翠C單位，拆咗嘅係咪主力牆？」

幅牆成呎厚！　危樓裝修勁危險！

相片顯示，單位近大門位置整幅牆被完全拆掉，天花接駁位只見「石屎」外露，但未見主力牆內藏的鋼筋和鐵枝，牆身拆除後，相信改裝廚房外連單位客飯廳。 樓主又於帖文透露，裝修單位來自盈翠半島第11座，但未知位處哪個樓層。 對於裝修師傳是否自行拆除主力牆，網民各有睇法，有人認為主力牆是整座建築物的重要結構，直指「唔係應該check咗先拆？拆咗先問？」

網民諷刺：打風記住去酒店！

• 「咁厚，一定係主力牆，咁大濟！」
• 「頂層唔怕，但如果2樓就⋯⋯」
• 「唔怕，香港無地震，但係打風就最好去酒店住。」
• 「個屋苑有唔同積喎⋯⋯ 邊個C單位？」
• 「有冇興趣拆曬全屋主力牆?，改成270度玻璃幕牆?」
• 「拆果幅係咪鋼根石屎牆？唔係就無事係就恭喜你。」
• 「成呎厚就一定係！」 「好大鑊，成座會倒塌！」
• 「日後賣樓就知乜事，無講明分分鐘要賠訂。」

無拆錯派：廚房位唔會主力牆

當然都有網民力撐無拆錯，皆因主力牆多數有唔少鋼筋支撐，但眼見圖內就未有大量鋼筋出現！

• 「舊本身廚房門口位，主咩力牆，磚牆就磚牆啦，搵嚟講。」
• 「如果係主力牆，佢咁拆法，你應該會見到好多鋼筋斷口位。」
• 「睇圖都係非主力牆，但最好你問問管理處。」
• 「睇相唔係，一邊平滑，一邊爛，應該舊時爛果邊係幅普通牆，依家拆做開放式。」
• 「我拆房牆，明知唔係主力，都上網搵返張圖積睇睇啦，要知，有幾難？」
• 「廚房牆？明火就已經唔岩消防例， 有咩事保險都唔包。」
• 「主力牆係水泥鋼筋結構，你幅牆有冇？」
• 「你將相連你個人資料所有野一次過send比屋宇署，等幾個月睇下有冇人上門拍門就知係唔係。」

點先知係主力牆？

結構牆（俗稱主力牆），一般住宅單位間隔磚牆厚度約4英寸，而主力牆厚度最少有6英寸或以上，原因是主力牆內藏鋼筋或鐵枝，以支撐建築物整體。 值得留意，單位牆的正面或背面上方是否有橫樑，因為橫樑是用來支撐上層單位，因此絕對不能任意拆除或改動，否則會對建築物結構帶來危險。

原文刊於：《經濟一週》