「屁屁偵探．噗噗！聖誕大冒險！！」登陸荷里活廣場 3大打卡場景 + 4️大互動遊戲體驗冰壺挑戰
今個冬日，屁屁偵探已經以聖誕老人造型登陸咗荷里活廣場，為大家帶嚟全港首個以屁屁偵探為主題嘅大型聖誕裝飾「屁屁偵探．噗噗！聖誕大冒險！！」，由即日起至2023年1月2日期間，屁屁偵探同埋一眾角色嚟到聖誕小鎮同大家歡度聖誕！率先介紹3大必到打卡位，當中包括：屁屁偵探與助手布朗現身「聖誕小鎮」入口歡迎大家、店長同女兒小鈴特別放咗棵4米高聖誕樹喺「幸運貓咖啡店」俾大家瘋狂自拍，仲有喺圓頂冰屋入面嘅「屁屁偵探原稿展」！
然後就梗係介紹4️大互動遊戲俾大家啦：有考你身手嘅「屁屁偵探冰壺大挑戰」、喺「尋找聖誕禮物」電子遊戲收集最多數量嘅聖誕禮物；記得玩埋最新推出嘅《屁屁偵探 噗噗！未來名偵探登場！》Nintendo Switch遊戲；最後仲可以參加埋「小偵探解謎大挑戰」解開5個隠藏密碼贏取屁屁偵探獨家禮品添！
想再深入了解屁屁偵探？咁就要去埋「屁屁偵探繪本限定店」，搵你心愛嘅屁屁偵探圖書！由11月11日起，粉絲們仲可以憑消費或VIC會員積分換領獨家限定之屁屁偵探「2023年座枱月曆」、「聖誕填色套裝」及「冬日保溫壺」，儲齊各款精品帶晒番屋企啦！
喺12月指定周末，大受歡迎嘅屁屁偵探仲會驚喜現身，粉絲們記得嚟同佢影張靚相留念！仲唔快啲mark定日子同屁屁偵探一齊迎接聖誕！
3大必去屁屁偵探打卡位
屁屁偵探首次以聖誕老人造型與助手布朗現身聖誕小鎮，誠邀大家同佢地一齊體驗刺激又好玩嘅聖誕大冒險之旅！
「幸運貓咖啡店」店長同女兒小鈴特別擺放咗一棵4米高嘅聖誕樹，無論樹上或咖啡店都掛滿閃亮嘅燈飾，令整個小鎮都充滿濃厚嘅聖誕氣氛，一於同尖耳警官同埋粗頸警官一齊selfie啦！
圓頂冰屋裡面收藏咗9幅《屁屁偵探》動畫角色設定原稿，粉絲們可以一次過睇晒《屁屁偵探》嘅創作過程同埋各個角色動畫設定，真係好難得架！
4大必玩互動遊戲
全港首個《屁屁偵探》主題設計冰壺遊戲
「尋找聖誕禮物」電子遊戲贏取精美禮品
試玩最新《屁屁偵探 噗噗！未來名偵探登場！》Nintendo Switch遊戲
「小偵探解謎大挑戰」解開謎題贏獎品
喺商場搵出5個任務地點展開挑戰，解開5大謎題！成功解謎就有機會贏取限量版屁屁偵探精美禮品，得到屁屁偵探認可嘅憑證呀！
粉絲必到「屁屁偵探繪本限定店」
消費換領「屁屁偵探限定禮品」
與人氣屁屁偵探見面 大派聖誕驚喜
即刻mark低以下活動詳情去打卡兼玩齊咁多個精彩活動啦！
荷里活廣場「屁屁偵探．噗噗！聖誕大冒險！！」
日期：即日起至2023年1月2日
時間：10am-10pm
地點：鑽石山荷里活廣場1樓明星廣場
(Presented by Plaza Hollywood)
