萬聖節｜海洋公園哈囉喂被狠批超呃錢？網民列3點炮轟：慳水之作｜玩樂熱話

萬聖節｜海洋公園哈囉喂超呃錢？

有網民於網上討論區投訴，本來購買了兩張$380門票滿心歡喜想與女朋友入海洋公園哈囉喂玩， 想不到可另加的$380景點組合門票原來已售清，若果要獨立購買四個鬼屋的門票則一共盛惠$500。 有網民則表示網上列明若果於售票處購買可享有AEON信用卡9折優惠， 但「去到先知已經賣晒飛，其實根本就唔會即日買到組合套票」，認為園方宣傳做足，但其實是逼人買walk-in飛！

網民怒轟3宗罪！

海洋公園哈囉喂｜1.逐間鬼屋收錢 ！

海洋公園今年有4間鬼屋，大家可以買哈囉喂pass玩足幾間，但就數量有限！若買不到大家就要逐間買票，每間約百多元。不過哈囉喂的收費並不包海洋公園門票，所以遊客需要另買門票，加加埋埋，費用都相當可觀！網民炮轟好搵笨！

海洋公園哈囉喂｜2. 無新意又唔恐怖 道具重用＋全程2分鐘行完！

本來逐間鬼屋購票入場提供了自由度，並非全是壞事，但不少已經入場玩過的網民卻表示今年的鬼屋驚嚇度完全欠奉，相比起往年充滿心思的佈置，今年的4個鬼屋四個景點沒有什麼機關，全部靠扮鬼的工作人員玩jump scare但並不嚇人，整個過程2分鐘可以行完！

更有眼利的網民指出 哈囉喂的佈置和道具已經有多年沒有更新，不明白加價的價值何在。

海洋公園哈囉喂｜3. 得2間鬼屋好玩！

網民更加逐個指出鬼屋的恐怖程度及抵玩指數， 其中「惡靈廢墟」及「泰陵大逃脫」 更被網友評為「廢到完全唔覺得係鬼屋」，「咒偶」可能對公仔有恐懼的人相對來說比較恐怖，「潛逃太空艙」作為4間之中最大型的鬼屋，行的時間會比較長，所以感覺比較抵玩及好玩，但因為大屋除了鬼屋，外面扮鬼的工作人員比往年少，營造恐怖的感覺又更加失色。