尖沙咀無印風劏房150呎月租$14,000！ 網友鬧爆：業主係咪痴X線｜網絡熱話

月租14,000！尖沙咀無印風劏房放租 ！

最近有網友在網上放租尖沙咀單位，單位表明「以Muji風格」為概念，月租14,000包全屋傢俬電器，單位廚廁兼備，更送1,000M無限上網服務及DisneyPlus串流播放服務！地理位置更非常好，位於尖沙咀河內道，離尖東站1分鐘，鄰近K11商場及不同購物商場，單位條件算不錯。

其實係150-200呎嘅劏房

不過，只要大家看到圖片，就知道單位細得可憐，原來單位只得150-200呎（業主咁寫唔知想表達啲咩），而網民發現業主利用單位的盲點影相，令單位看上去較大，雖然單位的確以白色和木色為主，較為簡約，但實質卻是骨子的「劏房」。

從照片中可見，廚廁兼備的單位，其實並無一個實則的廚房，只有一個洗手盆，還要靠近梳化，租戶只可以買細小的電磁爐煮食，放完電磁爐就無其他位置可切菜。不過就有自己的洗衣機及雪櫃，但雪櫃卻是細小Size，難以放置餸菜。

而房間就算佈置得多精緻，都只是可以放到一張床，並沒有衣櫃等收納空間，非常不方便。而網民望到床尾的一角有疑似是洗手盆的一角，懷疑是廁所內無位放洗手盆，要放出來並佔據了睡房的空間，真的離奇。

網友大鬧業主痴X線 ：劏房就劏房，唔好扮啦

網友對此都表示業主用了掩眼法，認為「劏房就劏房，唔好扮啦」，更驚訝只得150呎，卻要$14,000月租，認為業主不要以為「較過顏色就當是無印風！」有人更大指業主「痴X線」！