畏高港男怕玩迪士尼過山車！女友熱愛機動遊戲 大鬧男友好廢｜玩樂熱話

陪女友去迪士尼但唔敢玩機動遊戲

最近有港男放假陪女朋友去迪士尼，事主表示自己畏高，亦好少玩機動遊戲，而女友好鍾意玩刺激的機動遊戲。「 一開始佢叫我去玩我都say no咗，開頭我話唔想玩，不過佢之後一直求我又氹我，咁唯有陪佢玩咗個space mountain」。

港女女友大鬧男友好廢

玩完機動遊戲後，事主覺得頭暈，「其實玩完之後個頭已經暈暈哋，但係佢仲想叫我去玩埋u型、山谷…..咁我就話我唔係好敢玩啦，之後一直俾佢話廢，我就講咗句又唔係得我咁，佢就直接嬲到走咗，得返我一個喺迪士尼入面，之後搵佢咩都不回」，事主表示十分無奈，「我又唔想道歉，我覺得自己冇錯」，更詢問一眾網民「其實男仔係咪好大部分都鍾意玩過山車」。

網民覺得雙方要事先溝通

有網民覺得樓主可以事先與女友溝通，「其實佢明知你唔玩仲要你上去已經唔好啦，下次真係要去就應該講明邊啲會玩邊啲唔玩，等佢有心理準備，買嘢食之類氹下佢，但如果佢態度依然，就佢衰」。

網民覺得雙方都有問題

有網民覺得雙方都有問題，樓主選擇陪女友去迪士尼，但因為自己驚玩機動遊戲要女友自己一個玩，「佢知你驚又要拉埋你一齊去坐，但係佢就咁走咗係hurt啲嘅，建議你淨係sorry陪唔到佢玩嗰part，比返提議下次成班人去，你就算坐唔到佢都唔會無人陪，不過如果佢淨係想同你一個去咁無計，然後直接講返你覺得佢咁樣你都唔開心，氹下佢」。

網民：如果我係你都會好無奈

不少網民紛紛留言，「如果我係你都會好無奈，我同男朋友都鍾意玩，但我男朋友心臟之前有過事，所以我都唔想佢玩」、「我係好想玩，不過每次玩完差啲暈咗喺地，依家每次都只係影住女友玩得開心就夠啦，希望你女朋友會好好愛惜你啦」。

原文截圖：

資料來源：Dcard截圖