前Muji員工爆料無印良品10宗罪：工時長＋奇怪的OT計算法｜玩樂熱話

前Muji員工爆料無印良品十宗罪！工時長＋最奇怪是OT計法

1.主張過分虛偽的服務

前員工指出MUJI第一宗罪是「主張過分虛偽的服務」，除了平時日資企業的6大語句，即「六Hello 歡迎光臨、你好，請問有咩幫到你、好，請你等等、唔好意思要你等、唔洗客氣、多謝曬拜拜下次見」等，到埋單畀錢時「仲有收銀姐姐講多謝支持環保、唔好意思阻咗你咁耐」，令他直斥超虛偽，批評勁似無靈魂的錄音機。

2. OT係基本

雖然招聘時寫明每日工作8.5小時（包一個鐘食飯），但他表示除了第一天不用OT外，「每日OT 1.5小時係好基本。」

3.OT無糧出加計法奇怪

爆料網民指全職員工要OT 45分鐘後才可計錢，即OT的前44分鐘都是無人工收；而Part-time是以半小時計，「有時遇上啲mean既主管報20分、25分收工，即係最尾果20分鐘冇人工收，有時一個月都有4、5日係咁」。

4.工作量大無得休息

網民指每日返工連OT大約9-10小時，除了食飯外是沒有休息時間，最多只能去個廁所飲啖水，其餘時間都在不停工作。

5.分店借人

因為不斷開新分店，流失率又大，變相每間舖人手剛好，但不夠人的分店需要「周圍借人」，導致同事們每日都要到不同分店工作，最終無法忍受而辭職。

6.員工制服

爆料者指「Muji會提供制服畀你（Ft 4件、pt 2件），其餘你可以一季買4件7折衫嚟做制服，不過只限黑白藍三個色」，不過就表示「公司係派啲賣到賣唔出嘅款式畀同事，有同事係收到4件一模一樣嘅制服，同一個款，同一個色」，形容情況就如老夫子，衣服每日一樣。

7.Annual Dinner

公司的Annual Dinner原本是所有同事都可以參加，但後來變成只有獲得邀請的同事才可參加，公司更超天才的「出通知」予所有同事，結果惹來不滿。

8.追數壓力大

零售業本來有追數壓力相當平常，但是因為分店愈開愈多，導致貨源不足而追不到數，「成日都返貨賣曬等補貨，結果生意從何來？」

9.生意額與加薪不成正比

爆料者指全職同事薪金其實靠OT與獎金支撐，但「普通店員底薪加得幾百，上年年尾份bonus又縮水」，Part-time同事只得$50-$55/小時，店舖士氣低落。

10.在職培訓

他形容公司的資深員工「好鐘意推人去死」，經常會安排新同事轉位置兼重新執位，但當適應得差不多時，又一句「唔得喎」，導致又要再轉位，一個月換一次，結果無了期地轉。

原文連結：按此、按此