港女迪士尼疑遭非禮｜大隻猛男大腿緊貼自己＋做一個嘔心行為｜玩樂熱話

港女迪士尼睇Show被大隻佬用汗腿大字馬狂頂

無論睇任何表演都係一樣，霸個靚位總是比較有著數，但當你提前入場，最後座位卻不似預期，你哋心情又會如何呢？近日一名港女在Facebook「我真係好鍾意迪士尼資訊分享群」上發帖，指自己在迪士尼睇Show時遇上不愉快的經驗，更有被非禮的嫌疑！

港女指自己帶同兩位小朋友睇Show，更預早了一個小時排隊，進場時坐在第三行，誰知在入座之後「有個牛高馬大嘅男人帶住一家坐埋嚟！（3大1小）」、「一嘢坐落我大脾邊，之後一直用佢條有汗嘅肉腿痴到我隻腳，佢真係打算痴住睇成個show！」

網民批評：明顯係非禮

她續指她的小朋友更被迫到「半個Pat出咗界」，於是好聲好氣地提醒，但就被男人以「無辦法」回應，更喃喃自語「你媽媽有無教你，咁樣係你有問題⋯⋯⋯⋯」，幸得另一邊的女仔移位才不用被「汗腿」痴足全場，直言「侍住自己男人咁樣痴人隻腳真係好賤格」、「影響晒心情」。

再做一個超嘔心行為！

樓主更附上了兩張圖片，有其他眼利的網民也表示認得圖中的男人，更目擊他旁邊的疑似女朋友/老婆更幫男人捲起短褲褲腳，「用個風扇吹佢褲浪」、「我仔女一齊，我覺得極度嘔心」。不少網民睇完樓主的遭遇都表示同情，直言行為同非禮無異，更指出不少男士在搭地鐵也有同樣的行為。

原文連結：按此