港島區天價停車場收費超誇張 泊車6小時收3萬！網民：車主勿誤入｜玩樂熱話
廣告
對於香港的車主而言，搵停車場確實是一件難事，既要避開地獄停車場、又要收費相宜，最好仲要地點方便，而符合以上的要求，通常都是無位的。近日有網民發現一個位於港島區的停車場，收費可謂天價，除了收費以複式計算之外，停車費更是以每分鐘計算，有人話泊6小時就要收3萬，但實際上好似唔止，網民仲提醒車主們切勿誤入！
港島區天價停車場收費超誇張！泊車6小時收3萬
停車場的收費有好多種，有時租、月租、日泊、夜泊、12小時、24小時任泊等，收費有平有貴，但最盡你又接受到幾貴？有網民在Facebook「泊車優惠及收費情報區（香港）」發帖，貼出一位個位於港島區堅尼地城的停車場收費表，價錢可謂嚇親網民！
該停車場位於堅尼地城士美菲路，名叫祥興工業大廈停車場，收費以複式計算，首半小時免費，但由31分鐘後收費為$30，每半小時收費便會提升一倍，3小時收費升至$960、4小時$3,840元、5小時15,360元，6小時$30,720元。
網民提醒：車主勿誤入
網民看到收費表就指出收費極不合理，提醒車主們切勿誤入，以免付出高額停車費，「泊幾日可以破產」、「三小時後會鎖車，然後按表收費，魔鬼在細節呀」、「泊左入去，真係匙都唔敢熄。萬一撻唔著就pk了」，呼籲車主每次入停車場前都要認真睇清楚收費條款，否則貪方便隨時有排嘈！
同時值得注意的是，網民發現在收費表上有寫明「時間（以每分鐘計算）」，未知是否代表每分鐘收$30-$30,720，如果屬實的話，首小時停車場就已經要$900元、第2小時$6,300、第3小時$27,900、…第6小時$1,842,300（好似係，歡迎驗算！）。
違泊仲衰！
網民就指若咁貴倒不如泊街，反正違泊都只是$320一小時，但有心水清的朋友就提醒該路段對正交通極為繁忙的士美菲路，來回都是單程線，難以泊車，一旦停車會阻塞交通，相信很快會被拖車，到時反得不償失！
資料來源：Facebook@泊車優惠及收費情報區（香港）
網民發現了港島天價停車場？
有網民發現一個位於港島區的停車場，除了收費以複式計算之外，停車場更是以每分鐘計算，有人話泊6小時就要收3萬，但實際上似乎更貴…詳情
網民點睇？
網民看到收費表就指出收費極不合理，提醒車主們切勿誤入，並呼籲…詳情
圖片來源：ViuTV《學神出沒注意》截圖、Facebook「泊車優惠及收費情報區（香港）」
