房務員親解9大住酒店溫馨提示！房間死過人點處理＋1位置最污糟｜好生活百科

Staycation酒店房務員分享9個最常問Q&A

Q1：熱水壼、毛巾、水杯唔好用？

不少人都聽說過酒店的毛巾、水杯及熱水壺不應該使用，樓主就建議熱水壼「用之前煲下先」，指「基本用熱水煲一轉咩都乾淨啦」；

坊間經常有傳「一條毛巾抹公房」，樓主就他通常會用客人已使用的大毛巾抹浴/企缸、中巾抹杯及洗手盤等位置，至於應否使用，他就指「腳巾、手巾仔冇所謂，大巾用裏邊嗰面，全部都高溫消毒，冇咩驚」，但他也表示自己「唔會用大巾抹身，最多都係用細/中巾嚟抹手就算」；

另外樓主也提及房間內的水杯，他指自己「唔用刷牙嗰隻杯，用水樽刷牙」，因為曾經見過有人用水杯當煙灰缸用，所以最好不要用，或者先用熱水洗一洗。

Q2：有咩地方係最污糟 / 唔會清潔？

不少人都關心酒店房內的衛生黑點有哪些，樓主即時指出是床下底，因為「好少會吸到好入」，另外風口位可能一個月才會清潔一次，而「梳化、咕𠱸依啲好難話清潔」，假如介意就不要用皮膚直接接觸；另外樓主也提及地氈，因為時間一趕連塵也不一定會吸，客人穿鞋踩上去、食物掉落等情況常有發生，所以也不會太乾淨，因此表示「自己鍾意地板多啲」。

另外浴缸/企缸也是另一黑點，樓主指「有時趕時間都唔會洗(浴缸)，最多抹返乾就算」，也有其他房務員指不少客人會在企缸小便，也要注意。

Q3：床單目測唔污糟係咪唔會換？

樓主表示這是「冇可能發生嘅事」，因為只要有客人睡過，「一定係皺同有頭髮」，所以多數都會換床單，但也有一個情況是有兩單人床，一張沒有客人睡過就有機會不會換；他也提醒大家有時太多房間要清潔，「床鋪有污漬又唔想換新，多數反轉」，枕頭也會這樣處理，「所以最好睇曬兩邊」，看到有污漬就要求更換。

Q4：如果女仔嚟m唔小心整到床單，應該點做？

有時月經真的會突然殺到，會不小心弄髒床單，樓主指「唔係專登嘅其實都唔會點罰」，而且「床褥上有張好薄嘅床墊，唔會滲到入床褥」，所以不需要太緊張；不過他也坦言就算滲入床墊或被鋪，酒店都未必會更換或清洗，所以「酒店好多張被被芯係紅色一撻撻」……

Q5：酒店房裡面有咩拎得有咩唔拎得？

大部份酒店都會提供基本用品，有時用剩了都會想帶回家，樓主指「最普通拖鞋、茶包、剃鬚刀、針線包」等即棄用品都可以拿走，有些酒店有浴鹽提供，也能拿走；另外樓主也提到「好多都有免費刷皮鞋服務，不過冇咩人用」，以後大家有需要，可以向酒店查詢啊。

Q6：喺非吸煙房吸煙會有咩後果？

現時大部份酒店都列明房間內不准吸煙，但總有人按捺不住，樓主勸籲大家還是忍一忍，因為房務員一進房一定會嗅到，酒店也一定會追究，除了會罰錢（一般約HK$3,000），更有機會被列入黑名單，到時就不能再入住一些連鎖牌子的酒店，實在不值得啊。

Q7：房間死過人會點處理？

有網民好奇酒店對方有人離世的房間會有什麼處理程序，樓主表示「無正常程序」，指一般都是「報完警執走個人，調查完解封，多數由2、3個佬加掃把(supervisor)執手尾，費事嚇親D啲姐姐」，然後房間內的枕頭、被、毛巾等物品都會丟棄，然後就會繼續出租給客人。

Q8：用過嘅毛巾衣物等等所有嘢，點樣擺放先會方便執房員？

樓主指「用過嘅毛巾放番喺廁所就OK」，垃圾最好當然是掉進垃圾桶，有心的可以「牙刷水樽走之前扔落垃圾桶」，另外電視遙控、酒店電話放回當眼位，不然員工查房時要花時間尋找，只會令下一批客人等得越久。

Q9：應否畀貼士？要畀幾多？

一般放在枕頭上就當是給員工的貼士，但樓主也表示「如果放$100以上係床頭櫃都未必囉，隨時話唔係貼士就煩」；至於金額就因人而異，平均客人會給HK$10-HK$20/日，最多人會給1美金，因為是紙幣比較好看，加上全球通用。但當然這不是強制，但通常住多過一晚的客人都會給，樓主也建議第一日就應該給，不一定要留到退房時，「早畀早享受更好的服務」。

資料來源：連登討論區