大富翁正確玩法破解！坐監可唔可以收租？踩中先可起樓？原來一直玩錯！
廣告
大富翁在board game之中有一定的地位，新年好多人都會與朋友玩。不過你又係咪真係知道大富翁的正確玩法？好多人都一直討論，究竟坐監可唔可以收租？可唔可以隨時起樓呢？最近有網民話與友人玩大富翁期間，因為正確遊戲玩法幾乎鬧大交，於是決定放上網叫大家評評理，點知反被其他網民恥笑：「你拎張說明書出黎睇啦！」
大富翁正確玩法破解！坐監究竟可唔可以收租？
大富翁作為Board Game界「經典」，大家或許以為自己好熟悉，不過玩了好多年，玩慣的遊戲規矩分分鐘錯到離晒譜！有網民最近在連登討論區以「前日玩大富翁個fd話坐監可以收租！？」為題，稱自己與朋友就「坐監收租」和「踩中起樓」兩大問題駁火鬧交。
好在有醒目網民直接一句「拎張說明書出黎睇啦！」並附上Facebook群組「香港大富翁協會」「大富翁專家」們的研究貼文，清晰直接解釋清楚。
坐監原來可以收租和蓋房子
根據該論文級貼文，指玩家在入獄期間僅僅是不能夠移動棋子，仍可以收租、蓋房子或交易。玩家想離開監獄，可支付50元罰金或使用「監獄通行證」馬上出獄，亦可以碰碰運氣靠擲出相同點數出獄，不過連續三回合未能擲出相同點數，還是要乖乖支付50元罰金或使用「監獄通行證」離開監獄。
玩家隨時隨地可起樓
至於有關「踩中起樓」問題，該貼文亦有詳細解釋：「如擁有全部同色且未抵押地皮，則可以在任何玩家擲骰前選擇蓋房子」，即可以隨時隨地起樓致富，不需要呆等數圈回到相當地皮才可以起。不過相應地亦有所限制，以上所指的「任何時間」並不適用於在擲出相同點數時獲得的額外回合，富翁們想連續起樓，還是要忍一忍手，等下個回合。
雖然官方玩法只有一個，不過網民各有喜愛的「獨家玩法」，例如「坐監收租」、「踩中起樓」，甚至「完成一圈無獎賞」等，各有好玩之處。有網民留言表示「不要說：邊套規則先啱，試著說：想玩邊套規則」，最緊要玩得開心、玩得盡興！
大富翁坐監究竟可唔可以收租 ？
玩家在入獄期間僅僅是不能夠移動棋子，但仍可以
玩家在同一回合可以起兩次樓？
玩家如果想連續起樓，還是要忍一忍手，等下個回合。
圖片來源：LIHKG討論區、Unsplash@mrthetrain、玩具反斗城、：tvb 《愛回家》
