松本清香港｜觀塘APM店5月11日開幕！自家品牌「matsukiyo」進駐＋10大必買

2分店部份貨物已上架
松本清10大必買商品清單
松本清分店地址

日本大型藥妝店松本清首店5月殺入觀塘

去年有網民發現觀塘APM UC樓層扶手梯旁位置出現松本清圍板，寫上香港1號店等字眼，相信APM店將會係松本清香港首店，真係可以講句，恭喜晒九龍東嘅朋友仔！不過因應第5波疫情，官方宣佈開幕日期將由1月延至5月11日，新假期記者會繼續跟進並不斷為讀者提供最新資訊，記住留意新假期報導喇～

大部份貨物已上架 門外出現註冊藥房標誌

日前記者發現觀塘店門面竟出現白底紅字「 ꝶ」藥房標誌，表示會有註冊藥劑師全日當值，睇嚟最受萬眾期待嘅日本藥品都可能會喺香港買到！店內大部份貨物亦已經上架，架上更出現「全店9折」嘅字樣，睇嚟新開幕期間將會有不同優惠迎接大家！

松本清鐵定沙田新城市廣場開分店

而沙田新城市廣場分店亦準備就緒，分店位於新城市廣場一期3樓，日前亦有網民影到沙田店內環境，亦出現「開幕限定全場9折」及「消費滿$300送松本清購物袋」等字樣，睇嚟開幕優惠有機會各間分店同步進行！

自家品牌「matsukiyo」進駐

網民都相當期待松本清進駐香港，而其中唔少人最關心嘅，就係香港店會唔會售賣日本進口嘅藥品，不過同時有部份網民見到店內裝修後表示失望，留言「看樣子都沒有日本的藥妝」、「日本版sasa」、「其實都係賣香港買到嘅藥妝」。而官方最近公布新店將獨家引入多種受港人歡迎的熱門產品，包括自家品牌「matsukiyo」，更引入「RECiPEO」、「ARGELAN」等獨家日本新興品牌。

回到目錄

松本清10大必買商品清單

相信大家都期待以久松本清開店，今次記者為大家搜羅一系列松本清必買人氣商品，雖然呢啲產品仍未知道會否在香港店發售，但都可以畀大家做足準備掃貨！

1.MK微波爐冰箱用清潔濕紙巾

堂食日子遙遙無期，身為飯盒派人士，自然會用多咗微波爐加熱及雪櫃冷藏，呢款清潔專用濕紙巾可以輕鬆解決微波爐及雪櫃污糟嘅問題，方便又實用！

2.MK足部舒緩清涼貼片

打工仔經常要久坐，時間耐會對雙腿造成負擔！呢款足部舒緩清涼貼片含有啤酒花精華，以及留蘭香葉油等多重植物萃取嘅成分，舒緩足部肌肉酸痛之餘更可緊緻肌膚，更附有薄荷成分，涼浸浸好舒服啊！

3.ARGELAN草本保濕植萃潤唇膏

松本清自家開發品牌「ARGELAN」主打天然植萃成份保養品，人氣有色潤唇膏日本一開售已銷量驚人，以可食用嘅天然原物料製造，滋潤效果好之餘，更可為素唇添上淡淡粉嫩色彩，3款色號更會帶出唔同妝感，絕對係女生包色之選！

4.MK弱酸性水潤保濕身體乳

呢款松本清獨家發售嘅淋浴露專為乾燥肌膚嘅朋友而設，有無香配方、柔美花香及玫瑰花香，成份加入乳木果油、礦物油、蜂蜜及桃葉等高保濕萃取物，亦係弱酸性親膚配方，對皮膚非常溫和，每晚終於唔使dry住入睡！

5.MK腋下吸汗清爽貼片

夏天經常大汗淋漓，著淺色衣物都難似避免腋下出汗，同樣出自松本清自家品牌嘅腋下吸汗清爽貼片，超薄一片貼於衣物腋窩處就可以吸收汗水，唔洗再尷尷尬尬俾人望，絕對係夏日恩物！

香港首間松本清店將會延期至2月後開幕，呢啲產品仍未知道會否在香港店發售，但都可以畀大家做足準備掃貨！記者會為大家密切留意實體店嘅最新消息！

6.THE RETINOTIME緊緻賦活防曬乳液

無論男女老少，一支好用嘅防曬都係不可或缺。松本清自家開發品牌「THE RETINOTIME」推出嘅緊緻賦活防曬乳液專為輕熟女而設，防曬系數高達SPF 50+ PA++++，更係日本首支可以抗皺嘅防曬，唔化妝都可以當做日間乳液。

7.INSTREAM夜用啫喱霜

松本清自家品牌「INSTREAM」聯乘日本人氣化妝品牌「KOSE」獨家合作研發嘅晚安鎖水保濕凍膜，一向係日本大賣產品，品質有一定保證！瞓前敷喺臉上，隔日起床後再清洗就搞掂，絕對係懶人恩物！凍膜含有14種天然香氛精油，自然嘅香味可以令睡眠時更加舒適！

8.資生堂Moilip藥用治療型潤唇膏

呢款資生堂潤唇膏含有獨特嘅鎖水因子以及持久嘅滋潤成分，係松本清鎖量信心保證，更榮獲日本Cosme大賞第1位，配方不含色素，任何季節都啱用！但呢支潤唇膏最厲害之處，係含有抗炎症成分，可以有效治療口唇炎！

9.樂敦製藥 Lycee 粉鑽眼藥水

日本女仔貪靚就眾人皆知，每次出街都幾乎會佩戴隱形眼鏡，所以眼藥水絕對係日常必備法寶！呢款眼藥水專為職場女性開發，配合高濃度維生素，滴一滴就可以緩解眼睛深處睫狀肌嘅疲勞，啱晒經常要對住電腦嘅OL一族！

10.樂敦製藥 HELiOWHITE 美白防曬丸

呢款美白防曬丸兼具美白防曬二合一功用，配合蕨類植物萃取成分及薏米萃取物，平時鐘意做戶外運動嘅朋友必入手！

回到目錄

松本清分店地址

松本清觀塘

地址：觀塘APM商場UC層（顯示地圖）
開幕日期：2022年4月（暫定）

松本清銅鑼灣

地址：銅鑼灣恒隆中心（顯示地圖）
開幕日期：未定

松本清沙田

地址：沙田新城市廣場一期（顯示地圖）
開幕日期：未定

松本清屯門

地址：屯門屯門市廣場一期UG樓UG025-33（顯示地圖）
開幕日期：未定

回到目錄