將軍澳景林商場小食街翻新重開！新設全港首個「單車駅」 必食石磨腸粉＋麻辣大腸＋芋圓｜區區搵食

撰文：艾菲｜攝影：Tony

將軍澳景林商場大翻新！

全新景林街市小食街 食店多達10間

將軍澳人有福了！最近景林商場終於翻新完成兩個月，整個商場都色彩繽紛，皆因商場以單車作主題，四周都可以見到單車元素設計！翻新工程還包括景林街市，街市的一部分打造成全新小食街，全場過千呎，並進駐10間不同風味的小店，街坊食客可以連單車入去小食街覓食，仲有泊車位添。就讓記者率先帶大家掃街啦！

1.回味腸粉 石磨腸粉

回味腸粉是由70年代三代相傳的石磨腸粉，由爺爺年代傳承至今，腸粉即叫即製，可額外加蛋及葱花，蒸2分鐘後可見腸粉薄而晶透，食時配上秘製葱頭炸蒜豉油，嫩滑而帶有蒜香味！腸粉有多款配料，例如蝦、叉燒等。除此之外，也有懷舊小食，例如迷你缽仔糕等。

2.嘉季 手工鍋貼

由北京人開的北方正宗鍋貼「嘉季」，老闆從小跟家人學習包餃子，盡得真傳。肉餡親自手，即包即煎，鍋貼特別之處是兩則保留兩個洞，鍋貼皮並不完成密封肉餡，老闆說道，這是北京傳統做法，能讓鍋貼更加脆口。口味方面有粟米、白菜、韭菜等，配上秘製辣醬食勁香口！

3.金榮園牛雜 牛腩麵

金榮園牛雜由20-30年經驗的老師傅執手，以茶記套餐及粉麵為主。其中最有名氣的是牛腩及牛雜，用上3-4種滷水料熬成，必食崩沙腩麵、原汁牛腩飯等。

4.嚐情味 Fusion輕食甜品

嚐情味是由2位90後的年輕人創立，一位於日本及法國深造2-3年；另一位專門鑽研港式小食。兩位加起來有一種化學作用，打造成港、法、日Fusion輕食甜品，例如法國泡芙、日本及港式戚風蛋糕、港式蛋撻、多士、紅豆冰等。

5.十番屋

被譽為屋邨新貴的十番屋，其分店都是開在屋邨為主，主打平價日本丼飯、壽司、熱食烏冬等， 壽司盛盒特別抵食，份量足料，一盒$57有14件壽司，平均$4件，味道更物有所值！

6.大鬚子 四川菜

大鬚子主打四川菜，例如涼拌小食的蒜泥白肉、豬耳、涼拌青瓜等，也有重口味的麻辣系列，如麻辣炒大腸、麻辣雞、水煮魚等。想食飽一點也可以柯打米線、薯粉等，款式接近100款！

7.熱狗太太 熱狗

由90後年輕夫婦經營，從天水圍衝出到將軍澳，售賣熱狗、小食及飲料。其中芝士三重奏熱狗用上車打芝士、莫薩里拉芝士（Mozzarrella）及巴馬臣芝士（parmesan），再以火槍炙燒表面，熱溶芝士有爆餡感覺，好邪惡！

8.茶星人

茶星人一向都是香港人飲料店的首選之一，由2018年開業至今，分店已佈滿港九新界，飲料款式多元化，有純茶、奶蓋、奶茶、水果茶等，掃完街飲返杯就至適合！

9.添寶手撕雞

添寶手撕雞在街市界打響名堂，專攻街市、屋邨開店，至今已有28間分店。其wasabi 手撕雞是招牌菜，食客也可以以拼盤一同選購涼拌小食，如香辣蓮藕片、台滷牛肚、爽脆生腸、頭抽墨魚等。

全港首個「單車駅」

景林商場打造成全港首個「單車駅」，提供一站式單車服務。例如單車課程、租借、零件維修、單車儲存櫃及停泊處等。與此同時，景林商場更設商場淋浴設施，讓一眾單車友可以踩完單車後享用淋浴時間。

「單車駅」內設有一間以單車為主題的Cafe「春月堂」，主打台式食物，更有單車裝飾，十分精緻，非常適合文青打卡！

• 景林商場
• 地址：將軍澳寶琳北路38號景林商場（顯示地圖）
• 營業時間：星期一至日9am-12am（每間開業時間均有不同）
• Facebook專頁：peoplesplacekinglam