中秋好去處｜3米高巨型月球燈降落大埔 逾40隻發光兔仔駐場 同場加映許願湖放花燈祈福（新假期APP限定）
廣告
中秋節要做乜？食月餅賞月自然係例行公事！不過個月光咁遠，無論手機相機只係影到一個「點」。但今個中秋節，月亮聯同超過40隻兔仔一齊落咗大埔，同大家齊齊少女心大爆發！
撰文：KL｜圖片來源：相關機構
免費入場 3米高巨型月球燈＋白兔蘑菇燈「降臨」大埔
嫦娥奔月要飛上月球咁遠？香港人就幸福少少，去大埔就可以喇！原來大埔LAKE HOUSE又有新搞作，將於9月11日起舉辦「中秋花燈許願節」， 到時湖泊位置將化身成中秋節許願湖，岸邊場地將會放置3米高的月球燈，可以近距離與月球打卡影相，旁邊更會放置過百個不同造型的發光燈，包括兔仔同蘑菇等等，非常打卡able！最最最最重要係，相關展覽屬免費入場，無需購買任何門票即可入場打卡，大埔街坊中秋節又有好去處喇！
- 月亮燈飾活動
- 日期：9月11至22日
- 費用：全免
節日限定 湖面放花燈祈福
想幫全球人祈福？唔駛靠人嘅，自己都得啦！現場除了可以與3米月球燈打卡外，LAKE HOUSE亦會舉辦許願湖活動，於9月11、12、18至22日可以放許願花到湖上，創造最獨一無二的回憶！不過相關活動就需要收費：你可以選擇：
1) 到Le Vow 享用中秋特色節日菜單；
2) Billow /Le Vow/ FLOW ACADMEY即日消費單據再加$58；
3) 直接消費$128，
即可獲得許願花1 朵及4R相片紀念照一張。
最近園內的中菜廳剛完成裝修，本身已經非常打卡Able，餐廳美食絕對值得一試！但如果唔想食嘢，記者建議當日入場當日可以預訂水上活樂園下午5點的場次，沖完身扮番靚靚，就可以到旁邊的月球燈影相打卡，跟手可以再拎埋許願花放花燈，一條龍玩足全日。留意放花燈限指定日子，記得Mark好時間喇！
- 許願湖放花燈活動
- 日期：9月11、12、18至22日
- 時間：下午6時至10時
- 價格：- 於Le Vow 享用中秋特色節日菜單 – 每位送贈 1 朵許願花及相片紀念照一張*
– Billow /Le Vow/ FLOW ACADMEY的客人憑即日消費單據可以 $58價錢換購許願花及相片紀念照一張*
– 只參加許願湖活動 – $128 / 1 朵許願花及相片紀念照一張
延伸閱讀：大埔充氣水上樂園試玩！全場3萬呎 必玩10米高滑梯＋瘋狂搖搖板＋炮彈飛人 附開放時間／交通／費用｜香港好去處
同場現正舉辦FLOW ACADEMY AQUA PARK，3萬呎的水上充氣競技場有多個遊玩設施，包括十米高巨形三色滑梯、魔鬼搖搖板、搖動馬卡龍、炮彈飛人等，保證玩家一定濕身！
延伸閱讀：大埔小白鷺 「金鷺湖」萬呎中菜廳 手工點心＋鑊氣小炒！流心鵪鶉蛋燒賣＋138層鮑魚酥＋煲仔燴飯｜主題飯聚
大埔小白鷺湖互動中心的有一間新餐廳金鷺湖，主打手工點心及鑊氣小炒。餐廳佔地過萬呎，空間感十足，配上落地一玻璃，日光灑進暖意洋洋，啱晒周末去完水上樂園玩再嚟歎茶Chill下！
