荃灣好去處！貓之茶房Cafe玩貓 30隻療癒喵星人大包圍！即睇地點＋收費詳情
廣告
最近天氣陰晴不定，加上外面炎熱，有時真係會想留在冷氣房足不出戶！荃灣一間貓Cafe「貓之茶房」裡面有多達30隻貓貓，坐在位子上就會被一群貓星人包圍，仲可以親手餵飼可愛的貓貓，今個夏日，不如躲在冷氣房玩貓飲杯嘢食個Tea啦！
撰文：GW ｜拍攝：Tony｜來源：新傳媒資料室
荃灣好去處！貓之茶房Cafe玩貓
30隻療癒喵星人出沒包圍你！
貓Cafe「貓之茶房」位於荃灣，這間樓上Cafe飼養了30隻可愛的貓星人，只要走入店內，貓貓就會出現在你的身邊團團轉，如果你手上有零食如脫水雞胸肉等（貓零食可以向櫃台購買），貓貓就會成群結隊的走向你，再用水汪汪的大眼攻勢，眼定定望實你，想食你手上嘅零食，超級療癒！
這間Cafe提供飲品及輕食，但就要注意貓貓會在你的桌上跳來跳去，要保護茶點勿被打翻，也要保護茶點勿被貓貓偷走呀！貓貓會出現在你的桌上、桌底、身邊，比較幸運的話更會跳上你的大腿上「寵幸」你，但就不可以主動抱起貓貓，避免貓貓受傷或自己被貓抓傷。
Cafe在入場前必須消毒雙手和脫鞋子，才可進入同貓貓玩，記得要溫柔對待貓貓，要細聲啲講嘢唔好嚇親佢哋，亦唔可以抱起佢哋！貓之茶房亦致力幫助流浪貓貓，每月都會定期捐款給流浪貓機構，上嚟玩貓同時又可以幫助浪貓，好有意義㗎！
