港媽獨力照顧患癌老公！成單親媽媽後靠煮卡通飯盒帶囡囡走出傷心當長期病患的「照顧者」極艱難！｜網絡熱話

Sep 9 2020

堅強單親港媽！網絡熱門煮食專頁「Day Day Explode 日日爆」，一向都是收集網友地獄料理圖，不過最近除了帶歡樂給大家外，更加讓大家了解社會不同的「照顧者」故事。當中有位港媽獨自照顧患病的老公，分享了她的經歷和感受，在極少的醫療支援和負面情緒困擾下，如何在兩位囡囡、老公前表現堅強。在老公過世後，更靠煮食，煮出一盒盒靚靚的卡通飯盒，帶兩位囡囡走出傷心，慢慢重拾生活。

撰文：老梁｜圖片來源及授權：新傳媒資料庫、Day Day Explode 日日爆、「重新活過來的母親」

壓力爆煲港媽獨自照顧患病老公2年！

專頁「Day Day Explode 日日爆」一直都收集網友地獄暗黑料理為大家製造笑蛋，不過近日因為一宗「母親勒死智障兒」的案件，令版主希望在專頁上，可以與各位媽媽聊聊天。而最近有位單親媽媽「重新活過來的母親」就投稿，分享自己的「照顧者」故事。事緣港媽的老公患上癌症，港媽獨自照顧老公達2年時間，當中情緒與日常生活都壓力爆煲。「見到老公情況一日一日變差，心入面嘅情緒一定係唔好，但同時小朋友仲細，未完全明白狀況，始終要正常生活，對住他們又要即刻變臉陪玩、陪笑。所以真的好佩服長期病患的照顧者，無論任何方面承受嘅壓力都好大。」

面對老公與兩位囡囡，港媽依然選擇堅強面對，不過就算多麼堅壯，都不敵殘酷世界。「香港最慘的唔不是窮人，而係我們這些唔係有錢，又唔係完全冇錢嘅人。我有問過社工，本來我老公一個人賺錢，咁而家我屋企冇收入嘅情況下，有沒有醫療減免之類嘅可以申請？有！但同申請綜援一樣要資產審查，個額仲要極低，唔計樓、唔計車、唔計積蓄，其實就咁保險就已經爆額。所有野都係排期排到天荒地老，老公出入覆診、照嘢要推輪椅，但我地住唐樓…」

老公兩年後病逝港媽靠烹飪令囡囡走出陰影

老公的離世連帶兩位囡囡都有陰影，「重新活過來的母親」指囡囡曾在學校見社工。「佢地兩個好鍾意我煮飯，所以佢地爸爸走左之後嗰個月，由食學校飯商嘅飯，改為自己中午送飯去學校俾佢地，仲買過張餐枱，改喺廚房開飯，變成我地三個小天地，好好彩佢地兩個都鍾意食野，可以由呢度入手，重新建立番一個新嘅生活。只係想佢地知道，仲有媽媽陪伴住佢地。」

看到「重新活過來的母親」投稿的卡通飯盒，除了熟悉的卡通人物外，更看到那一份心意和陪伴。希望天下間母親，都要加油。