36歲人妻李彩華剝衫私影曝光 恨大肚前出寫真

原文刊於《東方新地》

李彩華扯衫夾罅影相

36歲人妻李彩華近月留港抗疫，突然即興玩私影，呢位人妻唔孤寒，近日將一輯剝衫相公諸同好，相中所見有一黑一白兩個造型，而阿Rain剝剩內衣褲，大膽扯衫、扯底褲邊，又半踎壓胸露出三吋事業線，甫士誘惑又sexy，人妻突然大派福利，佢話純粹即興喎，但就話真係想出寫真集，因為本來婚後一直想快啲為老公繼後香燈嘅阿Rain，近半年受疫情關係影響計劃，所以好想趁大肚前、有咁fit狀態下影輯靚相留念一下喎﹗

同有米老公分隔兩地無得造人 李彩華：見到面要掂番多啲

因為疫情關係，有米老公Eric要在深圳打理生意，兩公婆已經有近半年冇見過，日日只能靠視像電話一解思念，阿Rain仲話：「雖然同老公日日通電，但唔同摸到攬到嘅感覺，下次見到面一定要掂番摸番多啲﹗」去年在內地結婚證後一直未擺酒，阿Rain無奈表示相信今年都無法辦婚宴，等疫情過去，才好好計劃婚事，因為想出席的賓客可以無顧慮、開開心心出席婚禮。