7-Eleven推角落生物療癒精品！呆萌畫風啤牌／線圈筆記簿最平$19＋可愛大頭散紙包卡套／坐姿毛公仔！｜新品速遞
廣告
日本的虛擬卡通角色Summikko Gurashi「角落生物」人氣向來超高，只要一出新品就引起搶購熱潮！今次7-Eleven再推一系列角落生物的療癒精品包括呆萌畫風啤牌、可愛大頭散紙包卡套、坐姿毛公仔、線圈筆記簿及匙扣，最平$19有交易，每款都超可愛，Fans必收藏呀！
角落生物坐姿毛公仔 $59
坐姿毛公仔共有4款，高約13cm，包括蜥蝪、企鵝、炸豬扒及炸蝦尾，可以擺放在辦公桌上或床邊，可以坐定定地陪你做嘢或陪你瞓覺，呆萌的表情令人愛不釋手！
角落生物可愛大頭散紙包卡套 $49
散紙包約長9.5cm X 高13cm，以角落生物的大頭作設計，一共有5款，包括白熊、貓、蜥蝪、企鵝及炸豬扒，可以用作裝散紙同卡片套，放張八達通啱啱好，每款都可愛又實用！
角落生物線圈筆記簿 $19
角落生物筆記簿共有5款，每位角落生物都堆疊在一起，畫出了牠們可愛的日常生活，內頁有橫線設計，上下也有公仔，每日用嚟寫嘢，少女心爆棚呀！
角落生物呆萌畫風啤牌 $19
啤牌約長6.2cm X 高8.7 cm，啤牌上印有不同的角落生物圖案，畫風呆萌有趣，粉絲必收藏呀！
角落生物扭蛋匙扣 $19
匙扣分為兩個系列，一共10款，有「角落生物去旅行」系列及「角落生物齊扮貓」系列，每款都好Cute，掛在書包及袋仔上超可愛呀，必儲！
7-Eleven角落生物療癒精品系列
地點：本港各7-Eleven分店有售
時間：即日起有售，數量有限，售完即止
