TAMASHII ROBOT魂期間限定展覽登陸旺角朗豪坊！現場率先睇近百款高達渣古任睇＋日本動漫街＋限量精品模型

Oct 15 2021

ROBOT魂期間限定店旺角開！日本高達系列作品多年人氣一直爆燈，每次出新款模型都定必會排哂長龍！今年的TAMASHII FIGURE FES 2021將於今日（10月15日）正式登陸旺角朗豪坊，現場展出超過 80 款人氣機體，更有 Figure 試玩體驗活動，粉絲絕不能錯過。

撰文、攝影：KL ｜來源：相關機構

旺角開全港首個ROBOT魂期間限定展覽
大量精品模型率先睇！

今年TAMASHII FIGURE FES 2021將以 ROBOT 魂 ver. A.N.I.M.E.高達 Figure 展登陸朗豪坊，各位高達迷絕不能錯過。今次展覽會展出超過 80 款人氣機體，一次過睇哂歷年的不同機體，將模型的細節變化呈現眼前，更有多個名場面還原的模型擺設，可以一次過睇哂多款不同年代的模型，真心正呀！

TAMASHII FIGURE FES 2021於朗豪坊舉行。（圖片來源：新假期編輯部）

今年的焦點是ROBOT 魂 ver. A.N.I.M.E. ，ROBOT 魂是指已上色兼可動的高達 Figure系列，以超精緻造型及極高可動性作為模型主打，適合喜愛模型卻又沒時間砌與上色的朋友仔。不過採訪當日ROBOT魂系列只有巴巴托斯普通版有售，如果想買其他高達的話，可能會有些許失望。

旺角朗豪坊ROBOT魂期間限定展覽率先睇過百款高達渣古任睇＋日本動漫街＋限量精品模型同場加映三大展區： MARVEL＋《鬼滅之刃》＋《咒術迴戰》｜香港好去處 — 今年的主打：《ROBOT魂》高達Figure系列。（圖片來源：新假期編輯部）

展覽亦設有試玩體驗區，提供4款機體模型試玩，試試模型的可動性和完成度，未接觸過模型可以睇睇，不過開幕後不知還有多少配件剩下，所以可以的話便盡早來吧。

日系佈置打卡還原日本秋葉原

展覽以日式街道作為主題，再融入各種動漫元素之中，每一個展區均有日本風格，街道入口招牌、鐵道車站及戶外小食店「屋台」，睇完模型再打卡便十分適合喇！

三大展區：MARVEL＋《鬼滅之刃》＋《咒術迴戰》

展覽同時亦有近年動漫界大熱的《鬼滅之刃》及《咒術迴戰》展區，畢竟鬼滅動畫新作《遊郭篇》及咒術迴戰的劇場版分別預定 12 月於日本開播及上映，喜歡的朋友絕不能錯過。同時間，展覽亦設有《MARVEL》系列展區，展出 MARVEL 宇宙的不同系列！留意上述展出模型限定店內只有伊之助可以購，其他模型要向工作人員查詢。

展覽場亦設有期間限定店，除了最早前一出即斷市的 METAL BUILD 系列、超人氣《龍珠》系列的 Figure 將會於期間限定店限量發售！店內同時發售多款《鬼滅之刃》、《咒術迴戰》及《超人》系列等 Figure 產品。今次售賣的貨品都比較大路，價錢也較貼近正價，若果見到啱心水的模型，不妨到附近的信和兆萬比比價，再決定到哪邊購買，遇上做優惠時，可能會有時會找到筍貨。