MCL荷里活廣場戲院7月開幕 東九龍最大！3.8萬呎新裝＋最先進4K放映系統
廣告
MCL戲院｜早前鑽石山荷里活廣場的百老匯院線宣佈關閉，一眾影迷及街坊大歎不捨，不過近日傳來好消息，麗新集團MCL院線將於7月正式進駐荷里活廣場，原址重開之餘亦換上全新裝修，佔地3.8萬呎，設最先進NEC 4K放映系統，今個夏天可於荷里活廣場再睇好戲連場了！
鑽石山百老匯荷里活戲院宣布結業！
MCL荷里活廣場戲院7月開幕！
「麗新集團MCL院線」的MCL CINEMAS Plus+將於7月7日正式登陸荷里活廣場。（圖片來源：MCL官方圖片）
今個夏天可於荷里活廣場再睇好戲連場了！（圖片來源：Facebook@MCLCinemas）
MCL荷里活廣場戲院7月開幕！
3.8萬呎新裝＋最先進4K放映系統
「麗新集團MCL院線」的MCL CINEMAS Plus+將於7月7日正式登陸荷里活廣場，成為東九龍區內全新最大型戲院！《MCL CINEMAS Plus+ Plaza Hollywood》全院總面積約 38,000平方呎，分為兩層，共6個影廳，提供約1,611個座位，場內將換上全新裝修，必定成為全新睇戲好去處！
《MCL CINEMAS Plus+ Plaza Hollywood》在百老匯院線荷里活原址開幕，是MCL院線第15名成員。MCL指電影院將採用最先進的NEC 4K 超高清鐳射放映系統，配備杜比7.1 環迴立體聲音響系統，並換上全新典雅時尚裝潢，大堂設寬敞休閒區域，空間感滿滿，今個夏天可以試新戲院了！
網民睇到消息後表示期待，紛紛留言許願「希望啲櫈有執過，呢個場坐得非常唔舒服，隻腳頂到盡」、「荷里活廣場啲位極度窄，超級頂腳」，唔知MCL會唔會改善問題呢？一齊拭目以待啦！
MCL新戲院位於哪裡？
鑽石山的…即睇詳情
《MCL CINEMAS Plus+ Plaza Hollywood》何時開幕？
2022年7月…即睇詳情
撰文：Icy圖片來源：MCL官方圖片、Facebook@MCLCinemas、Facebook截圖
