Cityplaza x Coca-Cola®！5大必Join新春活動，免費DIY獨一無二可口可樂®仲送限量版利是封

Jan 14 2020

【Cityplaza x Coca-Cola®】每年新年來來去去都係拜年、逗利是、打牌，好鬼悶！不如今年出去行下街，即日起至1月24日，太古城中心同可口可樂®同大家一齊過新年，推出多個新春互動遊戲，免費拎走世上獨一無二可口可樂®、學識整環保揮春、兼且換走Cityplaza x Coca-Cola®別注版利是封等，人人都滿載而歸。即睇有咩玩！

撰文：Yuen ｜圖片：新傳媒資料室、太古城中心

Cityplaza x Coca-Cola® 5大必Join新春活動

1. 「人人快樂符」自製可口可樂®

太古城中心同可口可樂®今次嘅必玩攤位係「人人快樂符」。只要自備或者於會場購買一支500ml可口可樂®，即可親手設計樽身貼紙。

首先到影相區影張靚相，然後按自己喜好加喜慶圖案，等打印出嚟之後，就可以幫你嘅可口可樂®換新裝，獨一無二嘅可口可樂®就面世！再加上新春版可口可樂®杯墊，成件事喜氣洋洋，相信每個人收到都會好開心。

Cityplaza x Coca-Cola, 新年, 太古城, 可口可樂 — 今年Cityplaza x Coca-Cola®合作，齊齊打造新春牽紅運。

2. 「紅運豐收」集齊5道開運符號

Cityplaza x Coca-Cola®仲集氣設計咗一條紅運大道，遊一轉集齊愛情、家庭、健康、財運、學業/工作等福氣。不過行還行，記得行齊以下CheckPoint；「新春牽紅運」、「全家好梳符」、「身體有Heal-th」、「文昌你有符」、「運財多Weal-th」，每一個checkpoint都可以搵工作人員幫手蓋印，集齊5個印章再Follow埋Cityplaza Instagram就能夠換取可口可樂®紅運手機圈一個，以及可口可樂® 特調飲品優惠券一張。

「新春牽紅運」

呢度可以取得首個開運符，於中庭嘅6米高牌坊上圍住桃花走一圈，或許愛情就由這刻開始。猜中牌坊柱上對聯，今年必定願望成真。

「全家好梳符」

走進奇趣的Coca-Cola®倒轉客廳，電視機、梳化、新年全盒及雪櫃通通顛倒出現，記緊擺個非一般甫士拍照打卡，自然福「倒」全家，齊齊梳乎過新春。

「身體有Heal-th」

如果上年好多病痛，就要嚟呢度參加主題遊戲，用歡樂驅走病氣。只要去大鼓敲打指定次數，至型燈箱即會亮起，寓意健康爆燈，每人都有「汽」有力。

「文昌你有符」

限時內於螢幕上32個emoticon喜慶圖案中解讀出3組指定祝福，祈求小朋友腦筋靈活學業進步，至於成人頭腦sharp醒就可以日日準時收工啦！

「運財多Weal-th」

個個都想Money多多，於2米高巨型透明Coca-Cola®罐內施展渾身解數，喺限時內捉齊四處飄揚嘅開運揮春，拎到$$開運符號，新一年中一定賺大錢！

3. 「環保不亦樂符」設計環保揮春

每逢喜慶節日，難免製造更多垃圾。不過垃圾可循環再用，只要上期間限定嘅「環保不亦樂符」工作坊，利用可口可樂®鋁權，設計特別版環保揮春，齊齊支持環保，為地球出一分力！參加方法好簡單，只要單一電子消費滿HK$600及登記訂閱太古城中心電子報，就有機會報名參加，不過名額有限。

4. 迎春豐收購物賞人人滿載而歸

新年當然少不了購物獎賞，即日起至1月24日，登記成為LIVE+會員兼購物滿HK$1,200，即送2套限量版Cityplaza x Coca-Cola®「迎春滿祝」利是封；滿HK$5,000，送2套利是封之餘仲有2張MOViE MOViE電影戲票；買滿HK$8,000以上，將會送足4套利是封及APiTA大豐收賀年禮盒，人人都滿載而歸，皆大歡喜。