全港首間CBD SPA！上環兩層高「二酚公館」全新開幕 記者親試！香薰推油／熱石按摩＋工業風裝潢
廣告
香港人生活壓力大，加上現在無得去旅行，留喺香港都要諗辦法鬆一鬆！上環新開一間主打CBD（大麻二酚）SPA的兩層高按摩店「二酚公館」（CANNABLE），而且仲係全港首間，店內以工業水泥風裝潢，聽講裡面有齊香薰推油、泰式古法按摩、熱石按摩等，新店開張咁吸引，「骨精」記者當然就要落場試試佢啦！
撰文：GW ｜拍攝：Day｜來源：新假期編輯部
全港首間CBD SPA！上環兩層高工業風「二酚公館」
記者親試香薰推油＋熱石按摩
Btw開始之前有啲嘢要交代返，未必人人知道何謂CBD（大麻二酚），甚至會將CBD同大麻牽上關係，其實CBD是Cannabidiol（大麻二酚）的俗稱，是從天然植物「漢麻」（漢麻種子烘培後即是火麻仁）中提取的一種成分，具有鎮定情緒、抗憂鬱、舒緩疼痛、放鬆心靈、助眠等的作用，並不會產生上癮及依賴，最重要的是完全合法！
全新開幕的「二酚公館」（CANNABLE）位於上環，主打CBD SPA，兩層高的工業水泥風按摩館內，提供香薰推油、熱石按摩、淋巴按摩等服務，按摩已經夠梳乎，仲要用上CBD精油，兩者加埋一齊，到底會產生咩火花呢？
新店以工業風裝修，外牆以深藍色搭配淺灰色，店內環境Cozy，中間的小圓桌與櫃上都放滿了CBD周邊商品，包括精油、辣椒油、啤酒、手工糖等，令這一份輕鬆可以帶回家。在梳化上揀好CBD精油及換好拖鞋後，就可以上2樓的按摩房，保證夠安靜夠放鬆，不過上樓梯要小心，因為都有小小斜度。館內有來自泰國的按摩師傅駐場，無論是推油、熱石、肩頸按摩等，都一定夠正宗！
按完之後腳步有小小浮，因為太放鬆啦，加上技師每一下的按摩令幾mg的CBD進入肌膚內，完成整個按摩後身體好放鬆，與其他推油按摩不一樣，這個CBD按摩不會令身體「黐立立」，按完後不用沖身不用抹身，全身都香噴噴！按完後真係想返屋企瞓覺，感覺會瞓得好好，呢個價位真心抵試（$704/90mins）！
圖片來源：
