11月建造快樂！STEAM 築樂園 ＋築影院 ＋音樂祭＋ 活化‧傳承工作坊
有人話真正嘅快樂就好似空氣咁，係唔駛用金錢物質去換取嘅，Ms. Sunny對此非常認同！除咗做運動、聽歌、親近大自然同見朋友外，嚟緊11月大家仲可以嚟到九龍灣零碳天地，免費參加由建造業議會舉辦多個以「活化・傳承」點題嘅多個零碳活動，包括：STEAM築樂園、築影院、零碳築地音樂祭同活化‧傳承工作坊等等，為自己同朋友建造快樂！11月1日開幕禮當日，仲請咗「築月之星」倪晨㬢同星級教練杜德智為連場精彩活動揭開序幕！！
今次「築月2019」會以「活化・傳承」點題，希望透過唔同類型嘅創新零碳文娛活動，吸引各年齡層人士，尤其年輕人參與，藉此進一步認識活化建築原理、新舊共融理念，同時連結唔同世代，一齊探索建造業嘅樂趣，以下係Ms. Sunny一啲心水活動推介！
創意零碳遊戲 激發想像童心
「STEAM 築樂園」有3個環保零碳遊戲裝置，包括：5米高全木製工業風嘅「動樂旋轉木馬」、「夢幻泡泡製造站」同超巨型「滾珠迷宮陣」，全部結合咗木材、太陽能同金屬三大元素設計！設計者希望透過老少咸宜嘅趣味遊戲，等大家好生活化咁了解科學、科技、工程、藝術同數學等原理知識，瘋狂玩之餘仲可以影相打卡吸like。
露天草地光影漫遊＋專題座談會
「築影院」精選咗3套老少咸宜，分別以香港唔同年代為故事背景，兼具香港人文特色嘅中外電影俾大家坐喺草地上，寫意透過露天大銀幕重溫好戲，藉光影漫遊探索我城發展史。每場放映都會主題講座同邀請嘉賓分享香港嘅迷人景觀同建築歷史。
《半邊人》1983＠11月1日（開幕電影）
主角阿瑩原本每日都會喺父母經營嘅家魚檔幫忙，生活平淡乏味。某次無意中喺電影文化中心報讀咗演戲訓練班，認識咗導師張松柏，二人惺惺相惜，並互相支持對方追尋自己的夢想。
講座主題：八十年代- 追夢的黃金時代
分享嘉賓：許素瑩（《半邊人》女主角）、周思中（電影文化人）
《細路祥》1999＠11月8日
80年代經典電影！八歲嘅「細路祥」成日幫屋企經營嘅茶餐廳送外賣，因為精靈精目而深受龍蛇混雜嘅街坊喜愛。某日祥仔喺茶餐廳遇見應徵被拒嘅同齡女孩阿芬，於是建議一齊分享送外賣小費，同時展開一場兩小無猜嘅城市冒險。
講座主題：「認昔香港—尋找消失的築跡」
分享嘉賓：符展成（LWK + PARTNERS 董事）、曾肇弘（文化研究者）
《變形金剛:殲滅世紀》2014＠ 11月15日
狂派同博派展開黑月之戰後芝加哥幾乎被夷為平地。正當人類重過和平日子之際，一班野心科學家竟然蒐集大戰後遺留落嚟嘅外星碎片去研發一種難以駕馭嘅全新科技，為地球同人類掀起另一場重大危機！人類面臨來自遠古外星嘅致命威脅，令博派不得不重回地球展開驚心動魄嘅正邪激戰！
講座主題：「外國導演眼中的寶藏」
分享嘉賓：張偉雄（影評人）、王冠豪（電影朝聖創辦人）
座位有限，先到先得！
報名連結：https://www.cic.hk/eform/zcbmovie/regform.aspx?lang=zh-Hk
以樂推動 零碳音樂
究竟音樂同建築有咩關係？不如等你約埋朋友嚟《零碳築地音樂祭》，親身體驗後完再話我哋知呀！一連兩日嘅音樂會（11日16、17日，六及日），邀請到Supper Moment（11月17日）、方皓玟（11月16日）、鄧小巧、黎曉陽、Nowhere Boys、per se、雷同二友同章尾而，共8個音樂單位助陣輪流傾力演出，為大家帶嚟非一般嘅多元化音樂。香港電台第二台兼TeenPower節目主持洪崎峻(超B)，仲會擔任活動司儀㗎。
建造業零碳天地《零碳築地音樂祭》活動詳情:
日期: 11月16日至17日
時間: 11月16日，2－6pm ／ 11月17日，1－6pm
地點：九龍灣常悅道8號
建造業零碳天地「STEAM 築樂園」
日期：11月2日至12月1日
時間: 7:00am – 8:00pm
地點：九龍灣常悅道 8 號
交通: 九龍灣港鐵站轉乘MegaBOX穿梭巴士或步行前往
費用: 免費入場
電話：2100 9800
