魔法少女市集

魔法少女市集登陸銅鑼灣現場率先睇！小忌廉首次參展+27個攤位+2大打卡位

香港好去處

Nov 4 2021

廣告

魔法少女系列相信係唔少人嘅童年回憶，故事中嘅情節都離唔開愛與正義等……正能量信息，正正係疫情下每一個人都需要嘅力量！由11月5號開始至11月7號，喺銅鑼灣金百利中心二樓就有一個魔法少女市集，有美少女戰士、百變小櫻及小忌廉精品，大家不妨嚟感受一下愛嘅威力！

撰文：Heidi.M｜攝影：新假期編輯部

魔法少女市集登陸銅鑼灣現場率先睇！
兩大打卡位童真Unlock

市集嘅岀入口分別係兩大打卡位，第一個有粉紅色霓虹燈招牌同Disco 風嘅佈置相當創新，至於岀口就行優雅路線，粉紅色毛毛牆紙同5幅畫作，中間嗰幅一睇就知係美少女戰爭嘅口號:「愛與正義嘅化身」。

呢塊咁吸晴嘅粉紅色霓虹燈牌，係市集主辦人親自DIY（圖片來源：新假期編輯部）

大家又記唔記得每位魔法少女嘅指定動作？唔記得就跟我做，我係月野兔。（圖片來源：新假期編輯部）

美少女戰士嘅經典對白岀現，你睇Mina幾興奮（圖片來源：新假期編輯部） — 美少女戰士嘅經典對白岀現，好興奮呀～（圖片來源：新假期編輯部）

第二個打卡位仲掛咗4幅彷手繪嘅掛畫，唔望真D，真係以為真畫嚟（圖片來源：新假期編輯部） — 現場有4幅彷手繪嘅掛畫，唔望真D，仲以為係真畫嚟（圖片來源：新假期編輯部）

27個攤位集合各大魔法少女首次參展有小忌廉

市集主辦人丸丸話今次嘅活動合計有過千件魔法少女嘅周邊產品，而非常難得嘅係今次有《我係小忌廉》嘅貨品首次係市集登場！小忌廉嘅貨品具收藏價值，有價有市之餘，亦唔容易喺市場搵到！

由閃卡簿到文具，右上角仲有全場得一個嘅飛天少女豬事丁嘅書包（圖片來源：新假期編輯部）

魔法少女又點少得佢哋嘅魔枚呢！你又有無邊種魔法力量係你想要嘅？（圖片來源：新假期編輯部）

眼前兩個係1980年絕版嘅小忌廉公仔，據聞當時係人工手做，唔知價錢係點嘅呢（圖片來源：新假期編輯部） — 眼前兩個係1980年絕版嘅小忌廉公仔，據聞當時係人工手做㗎。（圖片來源：新假期編輯部）

就連呢兩隻貓貓都係1980年絕版嘅小忌廉公仔系列，據聞當時係人工手做，唔知價錢係點嘅呢（圖片來源：新假期編輯部） — 就連呢兩隻貓貓都係1980年絕版嘅小忌廉公仔系列，據聞都係人工手做。（圖片來源：新假期編輯部）

好奇嘅小編問負責人小忌廉模型要幾錢，答案係：活動舉行當日親自來訪就知答案（圖片來源：新假期編輯部） — 小忌廉模型要幾錢？負責人答案係：活動舉行當日親自來訪就知答案。果然神秘。（圖片來源：新假期編輯部）

魔法少女走入時裝界

唔講唔知，原來魔法少女嘅時裝以往並唔普及，但隨著潮流同粉絲要求，近年開始多咗同魔法少女相關嘅時裝產物，例如：印圖T-shirt、浴衣、手袋等……

買定套浴衣就算未可以飛去日本，都可以係屋企沖完涼自癒一下（圖片來源：新假期編輯部）

D衫除咗有大人嘅尺碼，小朋嘅都有，一家大細一齊着。係愛呀！（圖片來源：新假期編輯部） — 啲衫除咗有大人嘅尺碼，小朋嘅都有，一家大細一齊着。係愛呀！（圖片來源：新假期編輯部）

嘩！小魔女DoReMi 5個主角都齊哂，梗係一次過成套買啦！（圖片來源：新假期編輯部）

寄出愛的訊息

是次市集主題為愛的信息，負責自家設計咗一張名信片比現場人士寫下行市集當刻嘅心情，再郵寄返俾自己或者心愛嘅人。

自家嘅設計，可見主辦人對市集如此落心落力（圖片來源：新假期編輯部）

唔善於用口表達心意嘅朋友，哩張明信片幫到你！（圖片來源：新假期編輯部）

✧𝐌𝐆「愛の訊息」·玩具市集✧

日期：2021年11月5日-11月7日
時間：1:00pm-8:00pm
地址：銅鑼灣金百利中心二樓（顯示地圖）

問：活動何時完結？

答：活動日期由2021年11月5日-11月7日。

問：市集有甚麼展品？

答：一系列魔法少女周邊產品。

活動何時完結？

活動日期由2021年11月5日-11月7日。

市集有甚麼展品？

一系列魔法少女周邊產品。

關鍵詞

銅鑼灣香港好去處魔法少女市集

圖片來源：