P助與粉紅兔兔繽紛跑2022沙田科學園開跑 香港限定！超萌粉紅卡通主題＋嘉年華攤位遊戲＋限定精品包 附報名詳情
撰文：米娜 ｜來源：ksarunhk
香港限定！P助與粉紅兔兔繽紛跑2022沙田科學園開跑
超萌粉紅卡通主題＋嘉年華攤位遊戲＋限定精品包
由日本插畫家 Kanahei 創作的Kanahei’s Small animals因為萌值爆燈，超受大人和小朋友歡迎。今次機會就嚟啦飛雲，P助與粉紅兔兔繽紛跑將於2022年1月23日開跑，選址於沙田科學園，路線簡單易跑，沿途風景怡人，除了跑步之外仲有好多嘢玩，仲有巨型P助與粉紅兔兔吹氣公仔，鍾意佢哋嘅朋友必去打卡！
屆時現場將跑步運動融合可愛卡通元素，沿途可以睇風景和欣賞滿場的P助與粉紅兔兔，勁可愛呀！活動分為不同賽程及組別，主要分為計時賽及歡樂跑（非計時），無論是想挑戰自己PERSONAL BEST 或者想試試路跑嘅朋友仔，都可以搵到適合自己嘅組別，活動更設有孖住組 – 2人同行參與，最啱情侶、閨蜜一起參加！
不過唔識跑步都唔緊要，活動可選擇「歡樂跑（不計時）」，最短1.5km就完成，可以揀個人組或家庭2人組，爸爸媽媽仲可以帶埋3歲至12歲的小朋友參加，行都行得完！P助與粉紅兔兔更會於活動當日化身成為啦啦隊，到現場為一眾跑手打氣！
P助與粉紅兔兔嘉年華及打卡位
除了跑步，當然少不了繽紛主題的嘉年華，場內設有各款人氣攤位遊戲及多個可愛萌爆打卡位，巨型P助與粉紅兔兔吹氣公仔將會首次現身沙田科學園，讓各位跑手能盡興打卡一整天。屆時各位跑手更有機會與P助與粉紅兔兔見面，一同欣賞精彩舞台表演！
繽紛主題跑手包 野餐系列 CP值超高
今年大會跑手包以繽紛主題配搭可愛萌爆的Kanahei’s Small animals，包括：繽紛印花跑手 Tee及毛巾、軟水樽、索繩背袋和個人號碼布。為了紀念今年第一屆P助與粉紅兔兔主題實體跑，大會更推出了一系列色彩繽紛的野餐帳篷、野餐墊及戶外充氣梳化，顏值極高，方便攜帶而且容易收納。
報名日子及早鳥優惠
活動將於2021年11月10日早上10:30開始接受報名，於首三日 （即2021年11月10日至11月12日）成功報名，更可免費獲得早鳥禮物 – 別注版粉紅兔兔酒精搓手液掛套（連空樽）一個！
