北角海濱花園｜港版嵐山小火車紅葉祕景：免費入場！8大打卡位 神還原日本賞楓鐵道／月台／觀光車廂
廣告
2021年已進入尾聲，踏入紅葉旺季，一眾港人未有得「返鄉下」（去日本）賞楓，但又想解旅行癮點算好？北角海濱花園由明日起（11月23日）至2022年1月2日期間，將舉行【北角好「楓」光】園藝裝置，讓人仿似置身日本嵐山一樣，即睇活動詳情啦！
撰文：米娜 ｜來源：北角好「楓」光 官方圖片
港版嵐山小火車＋紅葉祕景 免費入場打卡！
北角海濱神還原日本賞楓秘景 鐵道／月台／觀光車廂
11、12月份都是睇紅葉的旺季，以往港人這些時間都會出走日本韓國，好好地賞楓打卡，不過疫情依舊，未能出走「鄉下」賞楓朝聖，有見及此，港島北角海濱花園將於11月23日起至2022年1月2日舉行【北角好「楓」光】園藝裝置，將日本嵐山的祕景搬到香港，場內設有多個打卡位，包括小火車、車站月台、一片紅色楓樹等。雖然只係模仿，不過去唔到日本，將就啲影住先啦！
8大打卡位率先看
1.「嵐山小火車」
以「嵐山小火車」為藍本的火車頭火車頭將定時響鞍及釋出仿真蒸氣，好似真係識郁咁！（雖然架車唔識郁）
2.觀光車廂
以「嵐山小火車」為藍本的觀光車廂，仲可以坐上去影相㗎。
3.鉄道駅
這個車站有沒有勾起你們在日本的回憶呢？
4.鉄道月台
在月台上只要在側面影過去，加上背景的紅色楓樹林，好似真係去咗日本咁呀！
5.火車路軌
路軌上佈滿了仿真落葉，在這條路軌上拍照仲唔怕會有火車經過添～
6.散落滿地的仿真楓葉
厚厚的楓葉層，只要向上撥起就可以獲得落葉的效果，影出嚟都唔錯㗎！
7.仿真楓樹
一排排紅色的楓樹，加上綠色草皮，走在上面輕鬆影到靚相！（真係令人好掛住日本呀）
8.和服旅人
著住和服喺度打卡就當然特別有日本Feel啦，好似真係去咗日本咁，不過和服可能就要自備啦！
【北角好「楓」光】園藝裝置
地址：北角海濱花園（顯示地圖）
日期：2021年11月23日至2022年1月2日
常見問題：
問：活動需要預約入場？？
答：無需預約，免費入場，但人多時記得注意防疫措施！
問：活動地點在哪裡？
答：北角海濱花園
活動需要預約入場？
無需預約，免費入場，但人多時記得注意防疫措施！
活動地點在哪裡？
北角海濱花園
