【哈囉喂2018】海洋公園4間鬼屋率先玩！靈探「屍營醫院」＋VR「捉鬼」過山車！香港好去處
撰文：kelly ｜攝影：Woody
率先試玩4間鬼屋！海洋公園哈囉喂2018
海洋公園哈囉喂全日祭2018將於10月5日至31日期間舉行，今年將有11個哈囉喂景點、13種獨特體驗，透過一系列多媒體和互動元素令刺激感提升！其中有些鬼屋更加入了VR技術，令參與者可以更代入情境，驚嚇指數up！「嘩鬼專員」就入去試玩4間鬼屋，其中鬼屋深海怨靈更是海洋公園首次以神秘深海為主題建造，到底有多神秘？即刻睇睇啦！
鬼屋1：屍營醫院
兩位嘩鬼專員在探索鬼屋的時候，不停問周邊已試玩過的人，都指屍營醫院是這4間鬼屋中最恐怖！在入去前，「屍體們」會給予一支可以探測靈異活動的電筒探路。當有靈異靠近時，電筒會亮起燈號、震動及發出聲響提示，場景和氣動裝置亦會對電筒有所回應，令靈探的你們非常驚讓慌，更會不停左望右望尋找「鬼仔鬼女」，不過非常不容易，因為製作團隊更特意令靈異探測電筒不時發生「故障」，無故閃爍或在漆黑環境中突然轉暗等，非常難捉摸！
鬼屋2：深海怨靈
海洋公園首次以神秘深海為主題建造鬼屋深海怨靈，雖然鬼屋的驚嚇度不及屍營醫院，不過兩位專員都覺得這間鬼屋非常靚！因為內裡的設計都是以海洋做主題，加入了水池、漏水水管、大水缸等佈置，而且鬼怪們更是「美人魚」「魚類」上身，詭異非常。
鬼屋3：血腥馬戲團
講到最最最靚設計，非血腥馬戲團莫屬，一進入鬼屋，馬戲細節例如旋轉木馬、小丑等等都呈現眼前，令你置身馬戲團之內，不過雖然鬼屋的燈光較亮，但千萬不要掉以輕心！因為鬼怪隱藏的地方，大多你都意想不到！隨時嚇你一驚！
鬼屋4:VR屍間潛行
除了以上3間鬼屋體驗外，今年海洋公園更有VR鬼屋，「探靈者們」需要坐在鵝蛋形裝置中，戴上虛擬實境眼鏡，便會置身擺滿屍體的停屍間，屍體更會爬上身！小心呀！
【「腥」級版越礦飛車】
除了以上4間鬼屋外，海洋公園熱全港首個虛擬實境過山車越礦飛車，亦會在哈囉喂期間限定升級，「捉鬼獵人」們需要戴上虛擬實境眼鏡，坐在過山車上捉鬼！從墳墓、荒廢的西部小鎮至巨型馬戲團帳篷，一路追擊邪惡馬戲班主，與邪惡班主決一死戰。
可愛到點食呀？ Sanrio 萬聖節套餐
今年海洋公園首次與Sanrio合作，打造香港有史以來最大型的Sanrio characters哈囉喂派對，當中當然有不少的Sanrio 卡通美食啦！款款都可愛到爆，點食得落口！
海洋公園哈囉喂全日祭 2018
日期：10 月 5-7、12-14、17-21、25-28 及 31 日
時間：上午 10 時至晚上 11 時
* 部份哈囉喂景點於上午 11 時、下午 1 時、下午 5 時或下午 5 時 30 分開放。
收費：
日間門票: 成人港幣 480 元，小童(3 至 11 歲)港幣 240 元
哈囉喂優越門票:成人港幣860 元，小童(3 至11 歲)港幣430 元
