【影相好去處】香港9個壁畫打卡位！民初懷舊風＋西貢巨型壁畫街＋1000米街頭壁畫
撰文：新假期編輯部｜圖片來源：新假期資料室、FB
1)西貢巨型壁畫街 型格牛牛＋2層高卡通風彩繪
提到街頭藝術，又點少得HKwalls一年一度嘅街頭藝術節呢？香港最大型街頭藝術節HKwalls每年度都會舉行壁畫節，在全港各區的牆壁上創作塗鴉藝術，用不同的風格將牆壁畫成色彩繽紛的多元化藝術裝置，以推廣街頭藝術文化。雖然今年嘅藝術節已經完滿落幕，壁畫亦在5月中全數完成，有多達22幅呀，有興趣的朋友可以跟著地圖逐個捉！
- HKwalls壁畫節西貢區
- 地址：西貢市中心（顯示地圖）
- 前往方法：向西貢街市方向步行約5分鐘，多幅新壁畫便會出現在你的左右！
2) 尖沙咀廣東捌拾 民初懷舊壁畫打卡熱點
座落於尖沙咀，樓高3層嘅新商場，廣東捌拾5月初正式開業啦！商場走80年代文藝復興路線，佔地超過2萬尺，每個角落都可以見到充滿懷舊氣息嘅裝飾！最受歡迎必定係懷舊香港風壁畫，走入壁畫世界，仿如時光倒流，置身民初時期，記得著靚啲嚟打卡喇！
- 廣東捌拾 CANTONYAMA
- 地址：尖沙咀廣東道80號（顯示地圖）
- 營業時間：星期一至四 12:00 – 21:00、星期五至日 12:00 – 22:00
- 前往方法：港鐵尖沙咀站A1出口，步行約4分鐘。
3）觀塘千米街頭壁畫 搜尋每個後巷角落
觀塘係多工廠大廈就係人都知啦！原來呢度仲隱藏住好多街頭藝術品，壁畫遍佈觀塘36條工廈後巷，長達1000米！「全城街馬」活動集合多位街頭藝術家與中學生，於觀塘小街窄巷創作壁畫。每條後巷都透過畫作訴說唔同嘅故事，估唔到原本以為死氣沉沉嘅小區，原來充滿神秘驚喜！
- 千米街頭壁畫：街後（the BackStreet）
- 地址：觀塘後街各地
4) 九龍城隧道壁畫 鯨鯊和牠的朋友
係後巷見到有壁畫唔出奇，真係無諗過連隧道入面都會有大大幅壁畫！位於九龍城太子道西，近南角道嘅行人隧道入面，隱藏住一條超大型鯨鯊，仲有好多海底奇兵添啊！成日覺得行隧道陰風陣陣，行呢條隧道有咁多動物陪伴就唔洗驚啦！
- 隧道壁畫：鯨鯊和牠的朋友
- 地址：九龍城太子道西近南角道行人隧道（顯示地圖）
- 前往方法：港鐵宋皇臺站B2出口，步行約2分鐘。
5) 西營盤藝里坊 走進音樂之都維也納
恒基將港島西區變身成為藝術長廊，以紐約、倫敦、首爾等大都會的壁畫街作爲靈感，邀請 9 位本地及國際的知名藝術家，將SOHO 區的小區特質與藝術融合！壁畫範圍覆蓋西營盤忠正街、奇靈里及石棧里，壁畫類型分布於牆壁、樓梯及地下。無得去旅行，放假嚟呢度打卡當去咗啦！
更有不同顏色做底色，大家可以找自己喜歡的顏色店舖打卡。
- 藝里坊
- 地址：港島西營盤奇靈里、石棧里及忠正街（顯示地圖）
- 前往方法：港鐵西營盤站B3出口。
6)伊利近街雨夜街頭繁華寂寞都市
除了西營盤多幅壁畫外，其實中上環一直都有不少人氣壁畫打卡地，充滿了老香港的藝術氣色。作品出自兩位英國街頭藝術家，描繪住都市人多姿多彩生活，畫風透露著淡淡寂寞憂愁情感，霓虹燈背景反映出繁華都市生活。
- 中環雨夜街頭
- 地址：中環伊利近街48號（顯示地圖）
- 前往方法：港鐵中環站D2出口，步行約10分鐘。
7)大澳3D錯視壁畫打卡牆重現漁鄉風情文化
由大澳非茂里聯同大澳鄉事委員會，與香港歷史文物保育建設合作，舉辦大澳藝術活化計劃「 一壁一畫一故事 」，為大澳進行活化，於區內不同角落畫上大澳風景、街坊日常，盡顯漁村色彩。最吸睛的必數位於大澳鄉事 委員會的巨型壁畫，圖案由牆身連接至地上，構成3D 錯視感，勾畫出居民的生活交點滴及大澳文化，形象栩栩如生，也有不少遊客專程來打卡留念！
- 3D錯視壁畫打卡牆
- 地址：大澳
8)荃灣南豐紗廠 文青必去大型壁畫
南豐紗廠經活化後被打造成文創商場，自開幕以來一直受到文青們的追捧，佈局時尚又能與歷史文化共融，地方又大又好行，也有多款特色文創商品。內部空間有多個打卡位，無論是中庭的空間、有50多年歷史的後樓梯、玻璃走廊，亦有多幅大型壁畫，包你影到唔捨得走！
- The Mills 南豐紗廠
- 地址：荃灣白田壩街45號（顯示地圖）
- 前往方法：港鐵荃灣站A出口，步行約12分鐘。
9)荃灣光板田村港版彩虹眷村
光板田村是位於大帽山腳的舊寮屋村落，在荃灣市中心附近搭車上去，大約只需10分鐘，不算太偏僻。這條村平日人跡罕至，只得居民上落同出入，最特別的就是村內的壁畫，在數年前由村民、小朋友義工一同創作，只要踏入村落就隨處可見，最受歡迎的打卡位就是彩虹樓梯同彩虹屋仔。雖然壁畫的顏色被風雨消磨而褪色，但人情味始終不減。
- 港版彩虹眷村
- 地址：荃灣光板田村（顯示地圖）
- 前往方法：港鐵荃灣站A出口，轉乘51號巴士（平日約1小時一班車），於光板田村二段落車。或在荃灣川龍街小巴站搭乘80號小巴，在光板田村二段落車，車程約10分鐘。
- 備註：遊覽及拍照時記得保持安靜，以免影響居民生活！另外因為村民有種植植物，所以記得要做好防蚊措施呀！
遊香港都要注意安全！
雖然香港是自己地頭，但都要注意安全，影相時一定要量力而為；而屋邨的話，必要更加注意，千萬不要打擾居民，也不可以騷擾到他人。
撰文：新假期編輯部｜圖片來源：新假期資料室、
即看更多：
【西貢一日遊】打卡美食路線推介：掃街小食炸Oreo／爆芝熱狗＋2層高壁畫＋珍珠場工作坊｜孖住去邊玩｜周末遊懶人包
【大澳一日遊】必食美食＋3D錯視壁畫打卡牆＋棚屋Cafe｜周末遊懶人包
