香港博物館

香港博物館節2021 一系列活動和展覽介紹本地文化與歷史

香港好去處

Dec 8 2021

今年聖誕節大家去唔到外地旅行，要早啲安排下節目了！除了享受美食、去主題樂園、staycation，還有什麼新意？一於嚟個本地遊歷，一齊探索下香港歷史文化啦！今個12月香港博物館節帶嚟香港非物質文化遺產中心、孫中山紀念館同埋香港歷史博物館多個精采嘅活動同展覽，即睇有咩玩先！

「再覓非遺」尋樂日讓你五感認識非遺

雖然香港地方細細，但非物質文化遺產(非遺)嘅項目竟然有480項！香港博物館節在12月多個周末喺位於三棟屋博物館嘅香港非物質文化遺產中心，舉行「再覓非遺」尋樂日，召集一班非遺師傅到場作示範、分享技藝同埋舉辦工作坊，活動包括獅頭紮作示範，麻雀牌製作示範，訪客仲可以落手落腳親自為麻雀牌上色、用中藥植物製作香囊。到時仲有讀書角，同埋散布喺中心橫屋和房舍嘅猜謎遊戲考考大家腦筋，好多活動等住你玩㗎！

館長會隨時現身「非遺閱讀故事角」，為大家講故事。

香港非物質文化遺產中心而家正舉行「循聲覓道─香港非物質文化遺產」展覽系列，以嶄新嘅演繹手法，透過聲音串連眾多與香港節慶以及日常生活經常出現嘅非遺項目。

打麻雀對香港人並不陌生，但原來麻雀牌製作技藝都係本地「非遺」項目，尋樂日除了邀請麻雀牌雕刻師傅作示範外，市民亦可嘗試為麻雀牌上色。

中藥除可以醫病，製成香囊更有袪病防疫嘅效用，大家可參加工作坊，學習用中藥製作香囊。

「再覓非遺」尋樂日
地點：香港非物質文化遺產中心（新界荃灣古屋里2號三棟屋博物館）
日期：12月11、12、18、19日 (星期六、日)
時間：2-6pm
部分活動只在特定日子進行，詳情可瀏覽：https://bit.ly/3rxrrph

孫中山紀念館慶祝成立15周年

今年是孫中山紀念館15 周年館慶，也是孫中山先生誕辰155 周年同辛亥革命110 周年紀念，所以紀念館推出一系列嘅慶祝活動，而喺12月11日舉行嘅同樂日，邀請市民一齊參與，當日節目十分豐富，除了工作坊，速寫活動外，仲請到前香港歷史博物館總館長丁新豹教授同大家講下甘棠第變成孫中山紀念館嘅經過。

孫中山紀念館同樂日將有多項手作坊，當中包括蜂蜜唇膏製作。

2021孫中山紀念館同樂日
地點：孫中山紀念館展覽廳
日期：12月11日 (星期六)
時間：10am-7pm
部分活動需預先報名，詳情可瀏覽：https://bit.ly/31kFgNc

孫中山紀念館由12月10日至明年3月16日舉行的「四大寇 ─ 從照相重塑革命記憶」展覽，為孫中山紀念館與孫中山故居紀念館合辦，透過文物及歷史照片，講述「四大寇」革命事跡。

「四大寇」指嘅係孫中山先生、陳少白、尤列及楊鶴齡，他們同為革命貢獻自己，但人生經歷卻各有不同，展覽將會為大家詳述。

「四大寇——從照相重塑革命記憶」展覽
地點：孫中山紀念館
日期：2021年12月10日至2022年3月16日
詳情：https://bit.ly/3d7vssh

香港歷史博物館帶你走入時光隧道重溫香港歷史

香港歷史博物館「香港故事」展覽現正進行更新工程，但大家唔使失望，博物館製作咗一個「經典再現 ── 香港故事精華展」，利用2D效果同多媒體技術展示精選藏品，將「香港故事」以另一形式重現大家面前。聖誕期間，歷史博物館仲舉辦左聖誕銅手鐲製作坊，教大家自製銅手鐲作聖誕禮物，千祈唔好錯過呀！

香港歷史博物館將邀請導師教授參加者製作富特色嘅銅手鐲，約埋家人朋友一起參加啦！

聖誕銅手鐲製作
地點：香港歷史博物館1樓大堂
日期：12月27日(星期一)
時間：3pm-4pm; 4-5pm; 5-6pm (每節10人)
詳情：https://bit.ly/3rAXEvM

咁多嘢玩，仲唔快啲去香港博物館節2021網頁睇下所有活動內容！提醒大家出門前要留意場地實施嘅特別開放安排及防疫措施。

(Presented by LCSD)

關鍵詞

孫中山紀念館香港歷史博物館香港歷史文化香港非物質文化遺產中心