5大親子活動玩足成個11月！市集 +工作坊 +積木樂園 探索綠色低碳生活
「築月2021」玩足成個11月！
環保、低碳、可持續發展呢啲議題聽落好嚴肅，但原來都可以好貼近生活！由建造業議會舉辦嘅「築月2021」就以「0碳 · 建」為主題，喺建造業零碳天地舉辦一連串動靜兼備嘅活動，更結合業界、社區同大家一齊探索、認識、實踐低碳旅程！
11月親子活動 1) 「築動低碳樂園」帶小朋友放電！
講到「築月2021」最正嘅活動非「築動低碳樂園」莫屬！香港建造學院嘅林師傅帶領學生團隊用回收返嚟嘅廢木轉廢為材，從原條木頭開切打磨，喺建造業零碳天地嘅大草地打造兒童積木樂園，小朋友可以喺高高低低嘅平衡木穿梭，既係佢地嘅放電天堂，又可以加強佢哋環保意識，一舉兩得！10月31日至11月30日你都可以帶埋小朋友嚟玩，千祈唔好錯過！
今次「築動低碳樂園」所用嘅材料都係由香港建造學院及環保組織「綠惜再生計劃」攜手合作打造。利用本地嘅園林廢料，包括草碎、枯枝、木頭等「升級再造」，再利用木工嘅匠心獨運，重新賦予新生命，大家喺休閒玩樂嘅同時，亦可以體驗到建造業同城市嘅可持續發展。
11月親子活動 2) 「零碳小勇士」學校計劃 建立減碳意識
除咗可以去「築動低碳樂園」放電外，建造業零碳天地亦啟動咗「零碳小勇士」學校計劃，佈置咗一系列嘅互動話劇、導賞團、故事坊、綠色工作坊等減碳活動畀中小學士挑戰。希望每位零碳小勇士可以以身作則，帶動屋企人同朋友仔一齊減少碳足跡！
立即報名成為「零碳小勇士」：https://bit.ly/3ASisjE
挑戰成功嘅學生們更可獲計劃証書及獎勵襟章，成為零碳小勇士！
11月親子活動 3) 建「築」故事坊 同CEO互動交流
講得動靜兼備，除咗放電嘅活動，當然仲有坐定定學習嘅環節。建「築」故事坊就最啱文靜嘅小朋友！多位建築界嘅CEO會小朋友分享有關建築嘅小故事，同推薦唔同種類嘅書籍以互動交流，令閱讀變得更有趣活潑。
立即報名參加：https://bit.ly/2Z6qmsn
建「築」故事坊以輕鬆同開心嘅方式將建築同環保訊息傳遞畀小朋友。
11月親子活動 4) 「樂在零碳」綠色市集 以物易物唔浪費
「築月2021」唔止有畀小朋友參加嘅活動，大人們一樣可以參與。11月27同28號將會喺建造業零碳天地舉行「樂在零碳」綠色市集，大家可用以物易物嘅方式，交換乾淨嘅舊衫、舊玩具等可再用嘅物品，既唔需要浪費，又可以換取想要嘅物品，一舉兩得！
綠色市集畀機會大家斷捨離之餘，更可藉此機會反省平日嘅消費模式，鼓勵大家喺生活中實踐環保減廢、重用、回收文化。
此外，11月19日至21日將舉辦Pinkoi Design Fest實體市集，搜羅超過100個精選品牌的特色設計產品，為大家帶無現金交易嘅環保購物體驗。
11月親子活動 5) 建造綠色工作坊 大人細路都啱玩！
要從生活開始改變，除咗以物易物代替購買，不妨試吓用日常生活嘅廢料改造成有用嘅小物。而家就有一系列嘅建造綠色工作坊開始網上報名。不但可以用咖啡渣製作咖啡渣晴天娃娃，作除臭劑、吸濕劑之用，又可以用水管自製升級建造水管燈。過吓手癮之餘仲將成品可帶返屋企或者送畀親友㖭！
立即報名參加：https://bit.ly/2XMI0RO
提起咖啡渣，除咗用嚟施肥仲可以造成晴天娃娃，掛起有放晴祝福之外，又可以作除臭劑、吸濕劑之用！
除咗坐定定做手作，仲有排毒淨化瑜珈同徒手健身入門，幫你個身體排排毒！
年尾又係時候換走枱上嘅月曆！今年嘅「築動力量」慈善月曆就由建造業業界嘅型男索女做模特兒，望住佢哋健美嘅身形做嘢一定特別醒神！月曆每本定價 HK$68，所有收益扣除印刷成本將全數用以支持「建造業魯班飯行動」，派「魯班飯」比弱勢社群。快啲買返本看門口啦！月曆預訂連結：https://bit.ly/3kqvEpQ
更多「築月2021」精彩活動詳情可到http://cic.hk/chi/main/construction_month2021瀏覽！
(Presented by 零碳天地)
