這個跨年不寂寞！2021元旦假期必做 5件事跨年直播+全日早餐+網購福袋

Dec 31 2020

2020年接近尾聲，想好了元旦的節目了嗎？雖然今年疫情關係，大部份大型倒數及新年活動都取消，但有今次介紹的 5個活動，這個元旦假期都可以過得充實！

1) 睇網上跨年直播

今年雖然不能外出感受現場氣氛，但世界各地的大型倒數活動都改成網上直播，而且大部份都是免費，好像美國紐約時代廣場倒數就是 114年來首次轉為線上進行，更有美國天后 Jennifer Lopez、艾美獎 Billy Porter 等藝人表演，真正足不出戶都可以感受不同國家的跨年氣氛！要選相同時區的話，台灣五月天網上「好好好想見到你」跨年演唱會線上特別版就最吸引！

跨年,2021,元旦,全日早餐,福袋,日出 — 日本最有名除夕節目- NHK 紅白歌合戰都在當地時間晚上 7:30 開始網上直播，藝人名單包括明年休團的嵐、LiSA、東京事變、King & Prince 等等。(圖片來源：NHK官網)

2) 上大帽山睇日出

無論 2020年過得如何，2021年的太陽依然會升起。雖然今年無旅行去，但在海拔 957 米的大帽山，於寒流下欣賞 2021年第一度曙光，亦是另一番風味。2021 元旦日的日出時間是早上7時03分，但每年元旦都頗多人駕車上山，記得預早霸位！另外，要注意的事，即使今晚未必會出現 2016年的大範圍的結冰及結霜奇景，但氣溫都有機會降到 0度以下，所以上山前都要做足準備，帶齊充足照明、保暖用品及糧食呀！

3) 食麥記全日早餐

睇完日出，可以到海之戀商場內之麥當勞，歎住全日早餐，欣賞 180度靚 view！每年元旦麥當勞都會推出全日早餐，同大家新一年開個靚頭，今年都唔例外，由當日凌晨 4時開始供應招牌精選早晨套餐及珍寶套餐 (指定餐廳除外)，最平 $28 起。堂食、麥麥送、Deliveroo、foodpanda或者 Uber Eats 都嗌到。無論幾點起身都有金黄酥脆的薯餅食！