粉嶺紅花風鈴木提早開花！ 粉嶺中心行人天橋逼爆 網民大讚：好似櫻花咁靚
廣告
踏入新一年春季快將來臨，除咗各區紅葉已轉色外，又有新寵兒登場喇！位於粉嶺嘅紅花風鈴木，已於12月尾盛放，吸引不少居民及「花迷」前來圍觀及影相打卡，網民大讚：好似櫻花咁靚呀。
粉嶺流水響水塘行山路線
粉嶺紅花風鈴木提早開花
你影我又影，手機、相機就連長鏡都用埋，場面相當壯觀！（圖片來源：FB@ShuTsanLai）
現時就只有一棵盛開得特別燦爛，而其他都仲係青色。（圖片來源：FB@ShuTsanLa）
有網民則指現正值12月冬天，未到春天3至4月花期，紅花風鈴木不應開花。（圖片來源：FB@ChiKinCheung）
即使得一棵，但唔少攝影愛好者同賞花客，已經去先睹為快。（圖片來源：FB@ChiKinCheung）
由樹底影上去，有枝、有嫩綠色嘅葉又有花，感覺好似被春天包圍。（圖片來源：FB@ChiKinCheung）
紅花風鈴小知識
紅花風鈴木係中美洲國家薩爾瓦多嘅國樹。（圖片來源：FB@ChiKinCheung）
粉嶺紅花風鈴木提早開花
粉嶺中心行人天橋逼爆
粉嶺中心近祥華邨一帶，近日有棵紅花風鈴木盛開，吸引不少途經人士圍觀拍照「打卡」，行人天橋上擠滿賞花客，相當熱鬧。
紅花風鈴小知識
香港賞花好去處
紅花風鈴木（Tabebuia rosea）又稱洋紅風鈴木，是新熱帶界嘅樹種，樹高達30米、直徑約1米。花呈紫色或粉紅色，顏色相當之奪目。盛開時遠睇似櫻花，花形較大，同繡球花有啲相似。紅花風鈴木花期為3至4月，每年春天，紅花風鈴木要等啲葉落盡後，先會綻放。
至於賞花勝地除咗粉嶺中心外，香港都有不少地方有紅花風鈴木，如：粉嶺火車站遊樂場、祥華邨、葵芳邨等。
建議賞花地點
1.賞花地點：粉嶺站遊樂場
花期：1-4月
2.賞花地點：葵芳興芳路177號葵芳邨
花期：3-4月
賞花注意小貼士
1. 人多擠迫，注意安全，提防小手
2. 請勿採摘或踐踏植物，愛惜環境
3. 保持清潔，自己垃圾自己帶走
4. 不要擾到附近的居民
常見問題
問：邊度嘅紅花風鈴木提早開花？
答：粉嶺站遊樂場
問：紅花風鈴木賞花期由幾時開始？
答：一般由3月至4月，但今年粉嶺有棵於12月尾便出花盛開
邊度嘅紅花風鈴木提早開花？
粉嶺站遊樂場
紅花風鈴木賞花期由幾時開始？
一般由3月至4月，但今年粉嶺有棵於12月尾便出花盛開
圖片來源：FB@ChiKinCheung 、FB@ShuTsunLai、新假期編輯部
