3萬呎靚景西貢釣魚場！$150起入場玩足全日 包來回船票＋釣具
廣告
夏天正值出海好時機，但未必個個都鐘意落水玩，其實釣魚都係唔錯嘅選擇！滘西灣休閒垂釣樂園係全港其中最大嘅海魚養殖魚排加釣魚場，佔地3萬平方呎，最平$150就可以入場釣魚，一口價包來回船票以及基刺釣魚用具，戶外又有多個地方去喇！
3萬呎靚景西貢釣魚場！$150起入場玩足全日 包來回船票＋釣具
位於西貢嘅滘西灣休閒垂釣樂園係全港其中最大嘅海魚養殖魚排加釣魚場，佔地3萬平方呎，場地有垂釣區及兒童網魚樂園等設施，由西貢碼頭出發只需30分鐘船程，路途都唔算遙遠，連寵物都可以入場，非常適合一家大細眾樂樂！
包來回船票＋釣魚用具
收費由每位$100起，一口價包入場費、來回船票以及基本釣魚用具，魚排內嘅魚價格由數百元不等，而排外所有魚獲則無需收費，記者屈指一算，如果周末上午9時進場逗留至最遲晚上6時，足足可以玩足全日9個鐘，除開平均每小時$17，都算幾抵玩！
魚排亦有接駁船往來滘西灣沙灘、滘西漁民村及洪聖古廟等地方，包保玩足全日都唔會悶！
滘西灣休閒垂釣樂園
- 地點：西貢滘西灣（顥示地圖）
- 開放時間：星期二至日及公眾假期（逄星期一休息）
- 西貢碼頭開出時間：星期二至五9am、10am、12nn；星期六、日及公眾假期9am、10am、11am、12nn、1pm、230pm
- 滘西魚排開出時間：星期二至五5pm；星期六、日及公眾假期2pm、430pm、6pm
- 電話：6014 8299（whatsapp）
- 收費（免費提供釣魚用具 – 手絲排 / 魚餌自費）：成人$150、2-10歲小童$100、寵物$30（小童只限星期六、日及公眾假期入場；寵物需另付船費）
- 網頁：按此
- Facebook專頁：@HongKongFishingWonderland
- 注意事項：星期二至五每程3位起開船；星期六、日及公眾假期每程2位起開船
如何前往滘西灣釣魚場？
可以由西貢碼頭出發…即睇詳情
滘西灣釣魚場開放時間？
滘西灣釣魚場每星期只有一天休息，就是…即睇詳情
撰文：Icy圖片來源：Facebook＠HongKongFishingWonderland、滘西灣休閒垂釣樂園官方網頁
