西九龍中心

西九龍中心慘變死場！記者直擊商場實況電梯全封9樓零人流店主：好多人已經放棄咗呢度

香港好去處

Mar 11 2022

廣告

西九龍中心作為深水埗人流熱點，小店及小食舖聚集，疫情前人來人往，更曾設置全港唯一室內過山車。可惜難敵疫情來襲，最近西九龍中心部分樓層空無一人，曾經是年輕人蒲點嘅蘋果商場慘變死城！

西九龍中心慘變死場記者直擊商場實況
人流屈指可數舖頭十室九空

記者於中午12時到達西九龍中心，接近午飯時間理應人來人往。但一入門口見到之前要排隊等嘅扶手電梯位，只有零星一兩人上落。採訪期間聽過幾位街坊都話商場十室九空，同以前嘅西九龍中心好唔同，與疫情前相比，人流大不如前。

西九龍中心喺門口已經咁冷清，上到樓上唔知會點呢？ — 喺門口已經咁冷清，上到樓上唔知會點呢？（圖片來源：新假期編輯部）

西九龍中心為咗配合防疫措施，唔少商店都選擇關閉，導致商場嘅人流大大減少。 — 為咗配合防疫措施，唔少商店都選擇關閉，導致商場嘅人流大大減少。（圖片來源：新假期編輯部）

西九龍中心有受訪者話去到乜都閂晒，無嘢行就決定離開。 — 有受訪者話去到乜都閂晒，無嘢行就決定離開。（圖片來源：新假期編輯部）

商場曾一度封扶手電梯令9樓商店租戶雪上加霜

因咩解究要封扶手電梯呢？有9樓商戶向記者表示，估計係因為「9樓大戶」奇趣天地喺疫情下須停業，於是西九龍中心就將由8樓通往9樓嘅主電梯用鐵馬攔住。位於9樓嘅商戶當時嘅心情有如熱鍋上嘅螞蟻，因為當時正值新年期間對零售業界係賺錢嘅黃金期，可惜當時向商場投訴，都得唔到任何回覆。有租戶選擇轉戰網購模式繼續營運，亦有啲選擇轉讓，甚至無聲無息地離場。

西九龍中心由8樓通往9樓嘅主電梯用鐵馬攔住。 — 由8樓通往9樓嘅主電梯用鐵馬攔住。（圖片來源：受訪者光仔相片提供）

西九龍中心從相片可見除咗有鐵馬攔住電梯， 9樓仲落埋閘添！難怪客人以為9樓乜都冇開啦！ — 從相片可見除咗有鐵馬攔住電梯， 9樓仲落埋閘添！難怪客人以為9樓乜都冇開啦！（圖片來源：受訪者光仔相片提供）

西九龍中心由1月7號，因應政府最新嘅防疫政策，奇趣天地被列為停業列表處所。 — 由1月7日起，因應政府最新嘅防疫政策，奇趣天地被列為停業列表處所。（圖片來源：新假期編輯部）

西九龍中心奇趣天地嘅範圍佔9樓一大半。 — 奇趣天地嘅範圍佔9樓一大半。（圖片來源：新假期編輯部）

有舖頭因為收入唔夠決定轉讓舖頭。（圖片來源：新假期編輯部）

成地都係信件，估計店主都無返舖頭好一段時間。（圖片來源：新假期編輯部）

呢一間之前賣女裝衫嘅店舖，最後因欠租無奈搬走。（圖片來源：新假期編輯部）

有店主選擇喺IG平台繼續經營，希望可以幫補租金。（圖片來源：新假期編輯部）

成個9樓基本上已租嘅舖頭都落咗閘冇開門做生意。（圖片來源：新假期編輯部）

9樓嘅情況更可以話吉舖處處。（圖片來源：新假期編輯部）

近日電梯重開業主依然處於垂死邊緣

喺最艱難嘅時期，有幾位店主都抱住關關難過關關過嘅心態守住間舖，希望做得一個客得一個客，事關商場並無體諒之前封電梯影響商店收入，更岀一封又一封嘅交租信提醒業主交租。有商店業主坦言，當初封電梯，商場仍欠佢哋一個交代。即使現在電梯重開，甚至增設營業告示牌，而家行商場嘅人已經大大減少，設施如同虛設，反而希望商場可以體恤租戶減租甚至免租。

西九龍中心店主話疫情期間商場並無任何鼓勵消費措施，好多嘢都係靠店主自己去爭取。望到封交租信店主倍感無奈同心痛！ — 店主話疫情期間商場並無任何鼓勵消費措施，好多嘢都係靠店主自己去爭取。望到封交租信店主倍感無奈同心痛！（圖片來源：新假期編輯部）

西九龍中心光仔係其中一位留守嘅店主，但直至最近亦都改為主攻網店平台經營。 — 光仔係其中一位留守嘅店主，但直至最近亦都改為主攻網店平台經營。（圖片來源：新假期編輯部）

西九龍中心鄭生經營嘅電器家品店，同樣主力網購經營，門市而家主要供客人取貨，生客同街客佢都話坐足全日1個都無。 — 鄭生經營嘅電器家品店，同樣主力網購經營，門市而家主要供客人取貨，生客同街客佢都話坐足全日1個都無。（圖片來源：新假期編輯部）

於商場大堂已增設告示牌提醒市民，扶手電梯可前往9樓。（圖片來源：新假期編輯部）

去到9樓沿途都有告示牌提醒市民蘋果商場如常開啟。（圖片來源：新假期編輯部）

喺奇趣天地嘅範圍內，同樣都有告示牌。（圖片來源：新假期編輯部）

但去到蘋果廣場範圍，同埋升降電梯一帶都唔見有告示牌嘅出現。（圖片來源：新假期編輯部）

點解西九龍中心人流人減？

難敵疫情來襲，最近西九龍中心部分樓層空無一人，曾經是年輕人蒲點嘅蘋果商場慘變死城！按此睇詳情

蘋果商場位於那裏？

蘋果商場位於深水埗西九龍中心。按此睇詳情

關鍵詞

香港好去處新冠肺炎疫情深水埗西九龍中心

圖片來源：新假期編輯部、西九龍中心、受訪者光仔相片提供