西九巨型發光雲朵提早完結！香港太空館巨型「菠蘿包」持續微笑至10月尾

Oct 6 2021

＊由於天文台預計未來數天香港會受強風吹襲，在安全考量下，香港旅遊發展局（旅發局）宣布，位於西九文化區的「Friends With You」大型藝術裝置將提前於10月6日拆卸。

香港旅遊發展局9月頭正式展開「西九龍」地區遊推廣，範圍覆蓋油麻地、佐敦和西九文化區一帶，更加聯乘國際藝術家團體「FriendsWithYou」，喺西九文化區藝術公園展出以繽紛角色造型為主題嘅大型藝術裝置。日期由9月23號至10月14號，而尖沙咀太空館亦化身成巨型微笑「菠蘿包」，記者率先為大家現場直擊！

撰文：Icy ｜來源：香港旅遊發展局、新假期編輯部

香港太空館｜巨型「菠蘿包」持續微笑至10月尾
「Friends With You」10月6日拆卸

西九文化區的巨型發光雲朵因天氣而提早於10月6日完結，但未能及時參觀的朋友也不用失望！另外一個裝置「微笑菠蘿包」（香港太空館）將會延長展出至10月31日，大家記得把握時間打卡！

香港太空館改頭換面化身成巨型微笑「菠蘿包」，蛋形外牆會貼上 FriendsWithYou角色嘅經典笑臉，樣子精靈可愛，遠睇經已非常吸睛，吸引咗大批市民爭先留影。今日（9月24日）記者就到現場實地考察，下午4點左右到達現場，見不少路人經過都會拍照打卡，大人小朋友都「無一幸免」被太空館吸引。不過太空館「實物」近睇似乎有點灰沉，比起參考圖片睇落無咁耀眼，似乎有P圖之嫌！

雖然喺平日，但都聚集左唔少群眾。（圖片來源：新假期編輯部） — 雖然喺平日，但都聚集了不少群眾。（圖片來源：新假期編輯部）

記者訪問咗幾位市民，陳小姐喺網上見到消息，就即刻抽時間過嚟睇「真身」，仲表示覺得太空館今次以新面貌示人，感覺幾新鮮。（圖片來源：新） — 記者訪問了幾位市民，陳小姐喺網上見到消息，就即刻抽時間過嚟睇「真身」，仲表示覺得太空館今次以新面貌示人，感覺幾新鮮。（圖片來源：新假期編輯部）

有市民經過見到都會停下腳步影相。（圖片來源：新假期編輯部） — 有市民經過見到都會停下腳步影相，不過大家影相時記得要保持社交距離呀！（圖片來源：新假期編輯部）

可惜一架體積略大嘅美食車停泊咗喺太空館面前，相當阻礙視線。（圖片來源：新假期編輯部）

正面影過去，太空館笑臉嘅右邊「面頰」有一半都被美食車擋住。記者要特登遷就角度先可以避過架車影到太空館全貌。（圖片來源：新假期編輯部）

Velory媽媽喺網上留意到呢個大型菠蘿包嘅出現，專誠帶埋囡囡過嚟打卡影靚相，更加表示稍後會去埋西九文化區藝術公園同「Friends With You」嘅大型充氣公仔影相，囡囡亦表示公仔非常可愛。（圖片來源：新假期編輯部） — 小朋友Velory表示公仔非常可愛，更加同記者講稍後會去埋西九文化區同「Friends With You」嘅大型充氣公仔影相，Velory媽媽喺網上留意到呢個大型菠蘿包嘅出現，專誠帶埋囡囡過嚟打卡影靚相，睇嚟今次活動唔少市民都幾受落。（圖片來源：新假期編輯部）

唔少人都喺從網上知道消息，專程過嚟打卡。（圖片來源：新假期編輯部） — 唔少人都係從網上知道消息，專程過嚟打卡。（圖片來源：新假期編輯部）

大大粒「菠蘿包」就屹立喺尖東呢片大地，眼仔大大圓碌碌好盞鬼！（圖片來源：香港旅遊發展局） — 大大粒「菠蘿包」就屹立喺尖東呢片大地，眼仔大大圓碌碌好盞鬼！不過呢張官方照片，太空館就比較「白淨」，有P圖之嫌！大家去打卡時可能都要P下圖了～（圖片來源：香港旅遊發展局）

可愛嘅笑臉同一旁既大型建築形成強烈對比，顯得特別精靈耀眼！（圖片來源：香港旅遊發展局） — 可愛嘅笑臉同一旁嘅高樓大廈形成強烈對比。（圖片來源：香港旅遊發展局）

（已完結）西九文化區大型藝術裝置「FriendsWithYou」！
巨型發光雲朵＋七彩繽紛造型公仔

＊由於天文台預計未來數天香港會受強風吹襲，在安全考量下，香港旅遊發展局（旅發局）宣布，位於西九文化區的「Friends With You」大型藝術裝置將提前於10月6日拆卸。

未能及時打卡的朋友都可以用另一個方式與「FriendsWithYou」的角色會面！旅發局明日（10月7日）起會推出可隨時隨地參與的虛擬版角色。市民只需要利用手機掃一掃趣味二維碼（QR code），即可透過AR技術，用手機與角色Little Cloud和Rainbow見面，與他們互動自拍。

藝術家Samuel Borkson與Arturo Sandoval III組成藝術團體「FriendsWithYou」同旅發局合作，喺西九文化區藝術公園海傍位置，展出多個佢地筆下嘅角色造型充氣公仔，足足有成12隻，啱晒大人小朋友齊齊打卡！其中超巨型雲朵最為矚目，入夜後更會發出光芒，點亮整片夜空，散發出夢幻嘅感覺，非常適合影相！部分角色更會化身神秘吉祥物，不時遊走西九文化區藝術公園，大家不妨去捕足佢地嘅身影，但影相時記得要同角色人物保持返1.5米社交距離啊！