西九好去處｜一日遊6大必去推介！電影取景熱點＋港版「彩虹眷村」打卡

西九一日遊6大Check Point！
電影取景熱點＋花樣年華試身室＋港版「彩虹眷村」

Check Point 1：美都餐室｜電影取景熱點穿越時光重拾昔日懷舊風情

位於廟街轉角位嘅美都餐室，屹立迪麻地五十年，至今依然保留60年前嘅裝潢，入到去就有如穿越時光重返昔日香港。二樓雅座充滿本土情懷，倚窗嘅卡位更加喺人氣打卡熱點，可以享受玻璃窗外透入嘅絲絲日光，唔少人甚至會專程租借旗袍過嚟留影，影出嚟嘅相都會滲透濃濃嘅舊香港情懷。

Check Point 2：天后廟油麻地書院｜文青必訪「隱世書店」

油麻地天后廟舊年被列入法定古蹟，廟內南側位置活化成「油麻地書院」，稱作「隱世書店」，喺一間自助書店，提供專題書籍及文創產品。店內更加有唔同打卡位比你影相，有迷你榕樹頭及麵檔模型等，重現廟外昔日氣氛。

Check Point 3：油麻地果欄｜七彩壁畫塗鴉 盡現果欄日常

油麻地果欄喺全港數一數二嘅水果批發市場，主要喺凌晨時段先會有人進行批發工作，日頭經過你未必會留意呢個地方，但其實附近有好多壁畫以及塗鴉，色彩斑斕，非常「打卡able」。唔只去台中彩虹眷村先有七彩壁畫，去油麻地都一樣可以好似去旅行咁影到靚相！

Check Point 4：東南樓藝術酒店｜花樣年華試身室 懐舊旗袍體驗

東南樓藝術酒店喺油麻地港鐵站隔離，前身喺海鮮酒家，活化後集酒店、共享空間、藝廊於一身，不時會舉辦工作坊及展覽，酒店內仍然保留部分懷舊裝飾，啱晒鍾意影復古懷舊相但平時又搵唔到地方嘅朋友仔！

Check Point 5：西九文化區M+博物館｜70萬呎文青打卡新熱點

當代視覺文化博物館M+日前公佈會喺今年11月12號開幕，面積會有成70萬呎！總其33個展廳、3間戲院，多媒體中心及餐廳，將會成為香港藝術文化及旅遊嘅新地標，記者都非常期特！雖然仲要等多一個月多啲，但大樓外面都已經有唔少人率先去打定卡，水泥外牆簡約嘅設計，平凡中滲透滿滿文藝氣息，再加埋附近青青草地，文青必去影相！

Check Point 6：西九文化區跨年倒數活動

2021年12月31日（星期五）午夜在西九文化區舉辦香港跨年倒數活動。西九藝術公園大草坪屆時將呈獻精彩的戶外派對──「香港跨年倒數演唱會」，而最近開幕的亞洲首間全球性當代視覺文化博物館M+的LED幕牆亦將首次展示跨年倒數時鐘，讓市民倒數迎接2022年。

日期及時間：2021年12月31日（星期五）晚上至2022年1月1日（星期六）

常見問題

問：遊玩西九大概需時多久？

答：大概2-4小時。

問：M+博物館入場需要預約？

答：需要！可以透過官方網頁或手機應用程式預約。