葵盛YMCA全新11米高歷奇樂園 22個刺激關卡！必玩60米空中飛索＋全港獨家蜥蜴爬牆＋團隊合作訓練即睇詳情

Jun 22 2021

葵盛YMCA新開YM-Adventure歷奇樂園，樂園樓高11米，即約3層的高度，設超過22個關卡，無論是老、中、青、小朋友都有不同難度可以挑戰。當中必玩的就是60米長的空中飛索，以及全港獨家蜥蜴爬牆，全程亦有專業教練在旁輔助，保障安全！到底驚唔驚又好唔好玩？記者即刻率先試玩！

撰文：GW ｜拍攝：Tony

葵盛YMCA全新11米高歷奇樂園超刺激！
22個關卡必玩60米空中飛索＋全港獨家蜥蜴爬牆

位於葵盛YMCA的YM-Adventure於去年翻新，是首個在市區的歷奇樂園，在一棟棟的大樓中玩飛索不是夢！這裡地點與葵興地鐵站距離約10多分鐘腳程，以歷奇樂園來說算是非常方便，以往去歷奇樂園至少都要坐一個鐘車，到偏僻的度假營才有得玩，呢度行路都嚟到！

YM-Adventure以前只提供給團隊租用訓練，最近一兩個月才開放予公眾預約玩樂。這裡主樓高11米，以五邊形設計，每一面都設有不同的歷奇遊戲，多達22款的橫向及垂直挑戰真的可以玩上大半天，難度方面一共分為3層，愈高代表愈難，參加者可按自己的喜好及能力選擇路線。

當中也有不少考驗團隊合作的遊戲（圖片來源：新假期編輯部） — 當中也有不少考驗團隊合作的遊戲，就好似呢款「合力攀爬」咁（圖片來源：新假期編輯部）

當中必玩的包括全長60米，刺激又好玩的「飛索橫渡」（Zipline），仲特設雙線道，可以同朋友一齊飛！另外仲有全港獨家的「蜥蜴攀爬牆」（Lizard Wall），向上不斷攀爬，半路望落地面都咪話唔驚！第一層算是「合家歡」難度，第二層就比較進階一點，而最高的一層就真正考你膽識！無論選擇咩難度都好，教練都會在旁邊輔助，確保安全設備（頭盔及安全繩等）穩妥，保障安全。