荔園Super Summer 50景點曝光！$0+快證＋中伏位攻略！

Jun 15 2015

荔園 Super Summer將於本月26日開幕，早兩日係中環曝光嘅巨型進化版都吸引死人，尋日就正式公佈整個新荔園嘅50個景點，當中包括15個景點、6款機動遊戲、21個遊戲攤位、4大飲食區和兩家紀念品專門店！作為玩樂達人嘅我哋，又點會就咁List晒50個景點就算數，我哋分析晒荔園所得資料，同大家開心Share零蚊玩樂攻略、$680快證玩樂攻略、千奇唔好玩中伏位攻略！

$0玩盡７大免費景點！

老老實實，好似筆者嘅60後父母咁，去新荔園都係想兩公婆「來懷念過去，曾共渡患難日子總有樂趣」，老人家就一定唔多想俾錢玩，咁就可以mark實以下７大免費景點！

1.荔園城堡
高10米，闊33米，保留了城堡招牌紅、藍、綠3色設計和霓虹燈荔園招牌！

2.好時光收集箱
一個展覽懷舊老香港的區域，其中「光影區」展示大眾昔日遊園的相片及訪問片段，「活動區」更會展出昔日荔園木馬，與大家懷緬一番！

3.荔園大舞台（部分節目免費）
荔園大舞台都可以容納成千人，與舊的一樣有好多show睇，其中有部份免費，但就要即日留意下當日個rundown喇！

4.小露寶蛋糕
4層高的蛋糕塔，放上66個小露寶，66是代表荔園66年的意思！

5.電子哈哈鏡
哈哈鏡會投射出動物頭飾，引君一笑～

6.卡通大尋寶
6位經典卡通人物包括足球小將、小忌廉、小露寶、電腦奇俠、超力電磁俠及幪面超人隱藏在樂園不同角落，大家只要成功收集它們，便可獲荔園積分

7.Xbox One激Fun遊園地
港童留連好去處，展出多款Xbox遊戲，如Minecraft、俄羅斯方塊等。

新荔園同樣提供快證，以下為快證詳情：

售價：$680
優惠
1. 12處景點設有快證通道：（1. 翠華咖啡杯 4個代幣　2. 淘氣小木馬 4個代幣　3. 快樂叮叮船 4個代幣　4. 鬼馬飛天椅 3個代幣　5. 滑稽恐龍屋　 4個代幣　6. 盞鬼碰碰車　6個代幣　7. 夏日溜冰場 5個代幣　8. 新巴城巴 2個代幣　9. 魔靈小學 10個代幣　10. 佻皮城堡 4個代幣　11. 百厭滑梯 4個代幣　12. 吹漲動物園 5個代幣）

2. 快證識別手腕帶兩條
3. 40個代幣
4. 荔園紀念品兩份

雖然快證設有12個快證通道俾大家，但其實快證送的40個代幣唔夠玩晒呢12個設施和景點（成人的話玩晒要55個代幣，即係要加多$150買代幣先玩得晒），我哋初步睇過介紹之後就推薦大家睇玩以下８樣：

1.翠華咖啡杯　所需代幣：4個
每次有6隻咖啡杯環迴旋轉！

2.淘氣小木馬　所需代幣：4個
有木馬、老虎、駱駝及馬車等座位環迴旋轉！

3.鬼馬飛天椅　所需代幣：3個
設置12張鞦韆椅子，比傳統鞦韆更剌激，在空中盤旋的過程中，感受飛天的感覺！

4.盞鬼碰碰車　所需代幣：6個
同場12台古典碰碰車，一齊橫衝直撞，碰碰撞撞！

5.夏日溜冰場　所需代幣：5個
佔地200 平方米，有長頸鹿、馬、老虎及大象4 款溜冰輔助器陪你一齊溜！

6.魔靈小學　所需代幣：10個
參考香港鬼校的故事，以靈異校園為主題，會有真人扮鬼嚇你！

7.佻皮城堡　所需代幣：4個
佔地約64 平方米嘅充氣城堡內盡情跳躍！

8.百厭滑梯　所需代幣：4個
6 米高滑梯，起點貼上超大型的老虎仔標記。