睇溜冰、熊仔前許願！聖誕表演合家歡【聖誕好去處】

Dec 15 2015

除了看燈飾，睇表演就是聖誕一家人最好的節目。不過表演要合乎所有人口味有難度。所以今次為你找來三個不同風格的應節表演，畀一屋人齊齊開心睇Show。

熊啤啤一直都係小朋友至愛！今年聖誕就有80隻熊仔進駐置地廣場，郁郁貢落力表演。熊仔在8米高的聖誕鐘樓上落力工作。每隔30分鐘便會配合燈光及音樂郁動起舞，靚到爆的布置極盡華麗，必要打卡！真係小朋友睇得開心，大人唔會悶親。

置地廣場聖誕許願裝置
地址：中環置地廣場中庭（顯示地圖）
日期：即日起至1/1/2016

香港人最鍾意去主題公園過節，不過去得多都會悶。今年海洋公園推出的冰上匯演就以光雕投影打造逼真場景，再由滑冰高手表演空中動作及花式滑冰，刺激之餘不失冬日氣氛。今個聖誕即刻入場應應節吧！

海洋公園聖誕全城Ho Ho Ho萬花筒冰上匯演
地址：海洋公園怡慶坊（顯示地圖）
日期：即日起至21/2/2016
查詢：3923 2323
備註：每日4至5場表演，4/1-5/2期間只於星期六日上演。
海洋公園門票：成人$345、小童$173，冰上表演不用額外收費。

嫌普通？不如去IFC 欣賞雙人轉輪表演啦。轉輪表演睇到我呼吸緊張，皆因兩個人在一個巨環上不停轉動。以為睇完可以鬆一口氣？緊接而來還有平衡雜技表演，兩人做出超乎常人的平衡動作，屋企小朋友真係唔好亂學。

IFC雙人轉輪及平衡雜技表演
地址：中環國際金融中心商場一樓中庭（顯示地圖）
演出時間：雙人轉輪：即日起至26/12（12:45pm及6:45pm）
平衡雜技：即日起至16/12（4:15pm）及18-26/12（1:45pm及4:15pm）
備註：每場10分鐘，17/12及21/12暫停
延伸閱讀：海洋公園7大聖誕景點！必睇溜冰表演
 【周末遊懶人包】超浪漫飄雪花園！荔枝角食買玩聖誕行程