聖誕燈飾2021｜8大睇燈飾好去處 打卡影靚相 睇迪士尼燈海天幕／6層樓高聖誕樹／冬日仙境樂園（不斷更新）
聖誕燈飾2021｜全港7大睇燈飾好去處
1.尖沙咀聖誕燈飾
2.麼地里聖誕燈海天幕
3.海港城聖誕客運站
4.西九文化區聖誕小鎮
5.利東街X迪士尼公主
6.葵芳勞蘇士多啤梨熊樂園
7.元朗YOHO MALL冬日仙境樂園
1.尖沙咀聖誕燈飾
每年聖誕必做活動當然唔少得去尖東睇燈飾啦！「閃爍尖東耀香江」已經嚟到第39年，今年尖沙咀嘅聖誕燈飾已於11月11日正式亮燈，有勁吸睛嘅4,000平方米LED幕牆，會播放 Disney+ 六大品牌嘅聖誕燈飾影片！同時亦唔少得有聖誕燈海天幕、薑餅人公仔、聖誕老人及巨型雪花等咁「打卡able」嘅燈飾！
即睇更多：尖沙咀聖誕燈飾2021正式亮燈 現場直擊！打卡必影迪士尼聖誕燈飾＋巨型LED燈幕牆＋漫天燈海
《尖東聖誕燈飾》
地址：尖沙咀中心及帝國中心 （顯示地圖）
2.麼地里聖誕燈海天幕
除此之外，麼地里聖誕燈海天幕作為每天必到嘅打卡熱點，今次掛上 Disney+嘅角色圖像燈飾，同樣有人見人愛的小白及星球大戰角色，帶大家走入迪士尼嘅浩瀚宇宙，迪士尼迷今次有福了！
麼地里聖誕燈海天幕
地址：尖東麼地里（顯示地圖）
3.海港城聖誕客運站
今年海港城的聖誕裝置以「Christmas Terminal」為主題 ：「主角曲奇企鵝啓程出發，但唔小心弄翻行李箱，聖誕曲奇散落一地，需請其他旅客幫忙。」
即睇更多：海港城聖誕燈飾亮燈！聖誕客運站登陸尖沙咀 必影7米高曲奇企鵝＋星光隧道 現場率先睇！
打卡位延伸至近天星碼頭
海運大廈正門戶外聖誕裝置回復以往規模，延伸至近天星碼頭，並會靠向海邊以預留出入通道。佈置會以欣賞和拍照為主，以減少觸碰的機會，又會加入手機程式有獎遊戲，及於指定時間安排專業攝影師，增加互動元素，提升活動體驗。
海港城Christmas Terminal聖誕客運站
地址：海港城海運大廈露天廣場 （顯示地圖）
日期： 2021年11月19日至2022年1月2日
時間：10:00am-10:00pm
4.西九文化區聖誕小鎮
今個聖誕節，香港旅遊發展局（旅發局）於西九興建逾6層樓高的巨型聖誕樹，再配上特別閃燈效果及音效，離遠望已超吸睛！另設8間佈置精緻的立體聖誕小屋、多棵小型聖誕樹、金屬馴鹿及古典電燈柱等作點綴，場面非常盛大。點點星光再配合旁邊維港海岸的夜景，氣氛格外浪漫動人，情侶必打卡！
即睇更多：聖誕小鎮登陸西九文化區！記者現場直擊 打卡必影6層樓高聖誕樹＋歐陸夢幻小屋＋金屬馴鹿
「香港繽紛冬日巡禮」聖誕小鎮
地址：西九文化區藝術公園海濱草坪西面（顯示地圖）
日期：2021年11月26日至2022年1月2日
開放時間：
2021年11月26日至12月21日：星期一至五 5pm-11pm 星期六、日 11am-11pm
2021年12月22日至2022年1月2日：星期一至日11am-11pm
2021年12月24至25日：11am-1am
2021年12月31日：11am-6pm
注意事項：最後入場時間為場地關閉前30分鐘
5.利東街X迪士尼公主
由即日起至2022年1月2日，利東街將化身璀璨閃亮大道，今年更有12位迪士尼公主坐陣，令到訪者有如身處於童話故事入面。每晚5點，一眾炫彩燈飾會亮起，整條利東街將化成舞會現場，完美展現迪士尼公主們嘅迷人魅力！每晚6時至10時更會上演光影音樂騷，配以家傳戶曉的公主音樂劇主題曲及聖誕歌曲，以視覺與聽覺令您置身於夢境中的聖誕，一同感受迪士尼的奇妙魔法世界！
即睇更多：利東街聖誕華麗亮燈！迪士尼光影公主Show＋10米高巨型聖誕樹
利東街「Shine Like a Princess」迪士尼公主聖誕燈飾展覽
地址：灣仔利東街（顯示地圖）
日期：2021年11月25日至2022年1月2日
時間：12:00pm-10:00pm (5:00pm亮燈)
6.葵芳勞蘇士多啤梨熊樂園
葵芳新都會廣場今個聖誕又有新搞作，邀請了迪士尼動畫中《反斗奇兵》中超受歡迎的的角色勞蘇（LOTSO），成為全場主角！由即日起至明年1月2日期間，全港首個以勞蘇為主題的士多啤梨工場《Berry Christmas in LotsoLand》正式開幕，場內有6大勞蘇主題打卡位，粉紅熊仔everywhere，粉絲必去！
即睇更多：葵芳新都會勞蘇士多啤梨熊 6大打卡區：3米高勞蘇＋5米勞蘇聖誕樹＋9米毛茸茸粉紅長廊 現場率先看！
9米長「毛茸茸長廊」
3米高的勞蘇站立在長廊入口處，腳踏「LOTSO LAND」燈箱並張開雙手，裡面全都以紫紅色為主調，四周盡是毛茸茸的士多啤梨及勞蘇造型掛飾，牆身並飾以粉嫩紫色霓虹燈飾，瀰漫浪漫節日氛圍。
逾5米高巨型「勞蘇光影聖誕樹」
「勞蘇光影聖誕樹」上高5米，以工業風設計，由多個粉紅木箱組合而成，樹上掛滿各式各樣飾物，配以Berry Christmas燈牌，在夜空中散發濃厚的節日氣氛，最適合和三五知己以及愛侶齊齊打卡！
3米高「動『莓』一刻互動專區
在L4的露天廣場迎面而來是巨型勞蘇頭像的裝置，以招牌笑容歡迎大家，旁邊豎立了「Pick Your Strawberry」的巨型燈牌，示意各位走進這3米高x4米闊「動『莓』一刻互動專區，加入他的團隊，隨意「採摘」區內的士多啤梨兼打卡！走到後方，圓拱型的裝置滿佈大型紫紅色氣球，在閃亮燈飾映照下，彷如飄浮中嫣紅的士多啤梨，影相夠晒靚！
聖誕花圃「夢幻甜美花海」+「霓虹剪影聖誕燈飾」
今年聖誕，從L3樓層拾級而上，層梯式的花圃尤如一浪又一浪的花海湧至，逾萬朵新畿內亞鳯仙及各種粉嫩鮮花合組成充滿弧形的線條設計，編織成震撼「夢幻甜美花海」。另外，L3戶外星光長廊佈置一條超過150呎的「霓虹剪影聖誕燈飾」，24組閃亮繽紛的勞蘇剪影燈海懸掛於半空，烘托出浪漫滿溢的星光夜景。
「Berry Christmas in LotsoLand」聖誕士多啤梨熊世界
地址：葵芳新都會廣場L3-L4露天廣場（顯示地圖）
日期：2021年11月12日至2022年1月2日
時間：10:00am-10:00pm
7.元朗YOHO MALL冬日仙境樂園
YOHO MALL在聖誕期間呈獻「冬日．森之仙境」，在商場內多個位置特別打造成夢幻光影之旅，商場打卡熱點貫穿室內至室外，7大打卡位更是各有特色，各種的光影效果令人目不暇給。在YOHO MALL I中庭將化身成神秘又「炫彩奇幻森林」，一幕幕童話故事的奇幻場景呈現於大家眼前，全場仲有多個炫彩燈光裝置，令空間仿如走入夢幻仙境一樣。
即睇更多：元朗YOHO MALL冬日仙境樂園開幕率先睇！聖誕限定7大仙氣打卡位 必影6米高玻璃聖誕節＋15米許願長廊
另外仲有滿佈仙子星光的森林、巨型互動裝置「願之光寶石」、「花語迷宮」、以幸福閃光碎片打造成的６米高「極光炫彩玻璃聖誕樹」；YOHO MALL II中庭則是「仙子們的秘密花園」，大家將可親睹於聖誕期間限定展出的4.5米高巨型「永恆聖誕花」；戶外都市農莊則有15米長「仙子星光許願長廊」，絕對是情侶們的拍照熱點！
YOHO MALL「冬日．森之仙境」
地址：YOHO MALL I及II中庭、YOHO Urban Farm（顯示地圖）
日期：2021年11月13日至2022年1月2日
時間：10:00am-10:00pm
YOHO MALL 森「動」手作市集
地址：YOHO MALL I G 露天廣場（顯示地圖）
日期：2021年12月11-12日及2021年12月18-19日
時間：12:00pm-7:00pm
入場費全免
8.城門河聖誕版幻愛橋
每年聖誕期間，相信全港18區主要道路都會裝設璀璨奪目嘅燈飾，以增添節日氣氛。最近有市民喺Facebook「香港風景攝影會」、「沙田之友」群組分享，沙田城門河畔嘅超浪漫聖誕燈飾登場。從相中可見，無論早上定夜晚影，佈滿全條長廊嘅燈飾海，拍攝岀嚟嘅照片都各具特色！
沙田聖誕燈飾
地址：沙田城門河畔（顯示地圖）
前往方法：由車公廟港鐵站步行約5分鐘，沙田港鐵站步行約7分鐘。
常見問題：
問：今次介紹了幾個睇聖誕燈飾好去處？
答：8個。
問：出去影相要注意啲咩？
答：要保持社交距離，同埋記得戴好口罩呀！
今次介紹了幾個睇聖誕燈飾好去處？
8個。
出去影相要注意啲咩？
要保持社交距離，同埋記得戴好口罩呀！
